18:21
“Tvente”nin müdafiəçisi Rud Neyştad Konfrans Liqasının pley-off mərhələsində “Qarabağ”a qarşı keçirəcəkləri cavab matçından öncə keçirilən mətbuat konfransında fikirlərini bölüşüb.
QOL.az xəbər verir ki, gənc futbolçu Avropa matçlarının çempionat oyunlarından fərqli olduğunu bildirib:
“Avropa oyunları çempionatda öyrəşdiyiniz qarşılaşmalardan tamamilə fərqlidir. Fürslərdən düzgün istifadə etməyin nə qədər vacib olduğunu gördük. "Ferensvaroş"la oyunda bu baxımdan yaxşı dərs aldıq. Avropa səviyyəsində mübarizə aparmaq və bu səviyyədə özümü sınamaq mənə xoş gəlir.
Mövsümə özüm üçün fərqli başlanğıc təsəvvür etmişdim, amma bu da gənc futbolçuların inkişafının bir hissəsidir. Belə vəziyyətlə necə davranmaq vacibdir. İndi hər şeyin qaydasında olmasına şadam. Bu mövsüm üçün qarşımıza Avropa futboluna vəsiqə qazanmaq məqsədi qoymuşuq və mərhələ adlamaq üçün əlimizdən gələni edəcəyik. Hazırda bütün diqqətimiz buna yönəlib”.
Xatırladaq ki, "Qarabağ" - "Tvente" görüşü avqustun 27-də keçiriləcək və saat 20:00-da başlayacaq. Komandaların Niderlandda oynanılan ilk görüşündə "Qarabağ" 1:0 hesabı ilə qalib gəlib.
“Qarabağ” “Sabah”ı təbrik etdi
Püşkatma nə vaxtdır? - “Sabah” üçün 8 rəqib
“Sabah” tarixi qələbə ilə ÇL-in Liqa mərhələsində!
Matç başlayar-başlamaz qapıçı meydandan qovuldu
"Beşiktaş"a keçə bilər
“Yamalın hələ bütün potensialını görməmişik”
İki təklif rədd edildi, üçüncüsü hazırlanır
