10:42
“Bugünkü qələbə münasibəti ilə komandamı təbrik edirəm. Azarkeşlərə təşəkkür edirəm. Səfərdə oynamağımızı hiss elətdirmədilər”.
Qol.az xəbər verir ki, bu sözləri “Turan Tovuz”un baş məşqçisi Ayxan Abbasov Azərbaycan Premyer Liqasının ilk turunda “Araz-Naxçıvan”ı 3:0 hesabı ilə məğlub etdikləri oyundan sonra deyib.
O, qarşılaşmanın komandası üçün heç də asan keçmədiyini bildirib: “Çətin oyun alındı. Belə olacağını gözləyirdik. Zamana ehtiyac var. Rəqib də çətinlik yaradırdı. Çünki heyətlərində xeyli yeni futbolçular var, onları tanımırdıq. İlk 20 dəqiqədə çətinliklə üzləşdik. Bunda küləyin də təsiri var idi. Hesabı açdıqdan sonra daha rahat oynadıq. Oyundan oyuna artıracağıq. Bugünkü 3 xal bizim üçün çox vacib idi”.
Abbasov matçın yerinin bir neçə gün əvvəl dəyişdirilməsində problem görmədiyini bildirib: “İstərdik ki, ilk oyunda evdə oynayaq. Lakin rəhbərliyimiz böyük işlər görür və buna görə çətinliyə dözmək olar. Qəbələdən sonra Tovuzda da işıqlandırma sistemi olacaq. Gələcəkdə öz meydanımızda, axşam saatlarında rahat oynayacağıq, azarkeşlər üçün də rahatçılıq olacaq. Əsas odur ki, bu gün səfər oyunundan maksimum istifadə etdik”.
O, növbəti turda “Qarabağ”a qarşı keçirəcəkləri matça da toxunub: “Avrokuboklarda çıxış edən klublarımızın heyəti genişdir. İstəyirəm ki, komandam bütün rəqiblərə qarşı layiqli mübarizə aparsın. “Qarabağ”la matça da ciddi hazırlaşacağıq”.
Mütəxəssis “Araz-Naxçıvan”la matça passiv başlamalarının səbəbini belə izah edib: “Deməzdim ki, komandam meydana arxayın çıxmışdı. Rəqibin heyətində yaxşı futbolçular var. Heyətlərinə keyfiyyətli legionerləri qatıblar. Matçın startında fərdi səhvlərimiz var idi. Üstəlik, küləyin də təsiri var idi. Bütün bunlar normaldır. Əsas odur ki, komandam düzgün oynadı. Matçın əvvəlində qol buraxsaydıq, işimiz çətin olardı”.
Abbasov komandasının bir qədər vaxta ehtiyac duyduğunu söyləyib: “Yoldaşlıq oyunları ilə müqayisədə çempionat matçları fərqli atmosferdə keçir. İlk turlar çətin alınır. Heyətimiz fərqlidi, yeni oyunçular var. Futbolçuların uyğunlaşması bizim üçün vacibdir. Komandamın potensialına bələdəm. İnanıram ki, yaxşı olacaq. Yaxşı kollektivimiz var, sağlam rəqabət mövcuddur. Heyətimiz genişdir, lakin rəqiblərin heyəti bizdən də genişdir. Biz 1 transfer edəndə rəqiblər 3-4 transfer edib. Hamı 4 dövrəni fikirləşir. Sona kimi mübarizə gedəcək”.
_22.01.19.jpg)
Ançelotti: "Heç kəs mənə bununla bağlı məsləhət verə bilməz"
"Füzuli" - "Saatlı-Araz" matçından - Video
"İnter Mayami" rəsmən yeni baş məşqçisini açıqladı
"Şəki Siti"nin "Dinamo" üzərində qələbəsindən - Video
"Mançester Yunayted" Kvaratsxeliya ilə maraqlanır
"Lerik" - "Kür-Araz" matçında vurulan 6 qol - Video
2-ci liqada 10-cu turun oyunları keçirildi
"Barselona"da daha bir itki
Millimizin Rusiya ilə oyunlarının hakimləri bilindi
30 yaşdan sonra 450 qol
"Neftçi" legioneri ilə yolları ayırdı
Poqbanın qardaşı məhkəmə qarşısına çıxacaq
"Qarabağ"ın prezidentindən iddialı açıqlama
“Karvan” - “Qəbələ” oyununun hakimləri müəyyənləşdi
Cüneyt Çakır "Qarabağ"ın oyununa gəlir
Azərbaycanın daha bir millisindən biabırçı nəticə
AFFA Premyer Liqa klublarını cərimələdi
Enrike: "PSJ-nin ÇL-dəki nəticələri ədalətsizdir"
"Arsenal"ın sabiq futbolçusuna silahlı hücum etdilər
Miçel bütün həmkarlarını qabaqladı
"Qarabağ" - "Lion" oyununun hakimləri açıqlandı
Azərbaycanlı hakimə UEFA-dan növbəti təyinat
ÇL-in oyunları bu kanallarda
