"Kadi Çerçesovun "Ferenstvaroş"unu nokauta salıb"

"Kadi Çerçesovun "Ferenstvaroş"unu nokauta salıb"
ÖLKƏ FUTBOLU 27 Yanvar 2023 / 11:22 9094
-  A +

Rusiyanın "Championat" nəşri "Krasnodar"ın “Qarabağ”dan transfer etdiyi Kadi Borges haqda yazıb.

Qol.az xəbər verir ki, yazıda braziliyalı yarımmüdafiəçinin yüksək keyfiyyətli oyunçu olduğunu bildirilib:

”Krasnodar” üçün perspektivli transferdir. "Krasnodar" onun üçün çox yox, cəmi 2 milyon avro ödəyib. Borges son iki mövsümü "Qarabağ"da keçirib. 2022-ci ildə komandası ilə çempionatın və Azərbaycan Kubokunun qalibi olub. Liqanın bombardiri olan oyunçu ölkənin ən yaxşı əcnəbi futbolçusu seçilib.

Braziliyalı həm hücumameyilli mərkəz yarımmüdafiəçisi, həm də cinah yarımmüdafiəçisi kimi oynaya bilər. Texnikalı oyunçudur. İrəlidə təhlükəlidir. Cinahdan hərəkət edərək içəri irəliləyə, mərkəzə gələ bilər. Kadinin yaxşı zərbələri var. Azərbaycanda çalışan "Krasnodar"ın sabiq baş məşqçisi Murad Musayevin sözlərinə görə, hücumameyilli yarımmüdafiəçi Premyer Liqanın ən güclü oyunçusu idi. Kadi "Krasnodar"ın üslubuna uyğun gəlir.

Kadi Borges bu mövsüm bütün turnirlərdə 31 matçda 8 qol vurub və 11 məhsuldar ötürmə edib. O, özünü avrokuboklarda yaxşı göstərdi. Çempionlar Liqasının təsnifat mərhələlərində "Lex" və "Sürix"lə oyunlarda qol vurub, məhsuldar ötürmə edib. Stanislav Çerçesovun rəhbərlik etdiyi "Ferenstvaroş"u nokauta salıb, Avropa Liqasının qrup mərhələsində assistlə diqqət çəkib. O, Azərbaycan çempionatında ortahesabla hər 90 dəqiqəyə 3,8 zərbə endirib, 2,9 ötürmə edib. Tez-tez driblinq edən Kadinin 6 cəhdindən 3-ü uğurlu alınıb.

Maraqlıdır ki, onun adlarından biri də Malinovskidir. Kadinin ata tərəfdən babası polyakdır. O, 2022-ci ildə vətəndaşlıq almaq və Polşa millisində oynamaq üçün işlərə başladı. Lakin Rusiya klubuna keçidi çox güman ki, siyasi məsələlərə görə onu Polşa millisindən uzaqlaşdıracaq".

Xatırladaq ki, "Krasnodar" bir neçə gün əvvəl "Qarabağ"ın sabiq oyunçusu ilə 3,5 illik müqavilə imzalayıb.

Daha çox


Son xəbərlər
27.03.24  21:58

Keyn sağaldı