Kadinin əvəzləyicisi "Qarabağ"la müqavilə bağlamaq üçün Bakıya gəldi

Kadinin əvəzləyicisi "Qarabağ"la müqavilə bağlamaq üçün Bakıya gəldi
ÖLKƏ FUTBOLU 26 Yanvar 2023 / 15:00 8425
-  A +

"Qarabağ"ın heyətinə cəlb etmək istədiyi Fransa "Dijon"unun futbolçusu Yassin Benzia bu gün səhər Bakıya gəlib.

Qol.az-a daxil olan xəbərə görə, hələlik futbolçu ilə müqavilə imzalanmayıb. O, tibbi baxışdan uğurla keçəcəyi halda Ağdam təmsilçisi ilə münasibətləri rəsmiləşdirəcək. 

Benzia ilə müqavilənin müddəti barədə də hələlik məlumat yoxdur. Əldə etdiyimiz məlumata görə, bununla bağlı yekun qərar da tibbi müayinənin yekununda veriləcək. Pleymeyker olan Benzia "Qarabağ"dan getmiş Kadinin əvəzləyicisi kimi düşünülür. O, yarımmüdafiənin sol, sağ mövqeyi ilə yanaşı mərkəz hücumçusu kimi də oynaya bilir. 

Xatırladaq ki, 28 yaşlı hücumameylli yarımmüdafiəçi olan Benzia Fransanın U-21 millisi də daxil olmaqla bir neçə aşağı yaş qrupu üzrə komandalarında oynayıb. O, həmçinin Əlcəzairin əsas millisində 4 oyun keçirib. "Lion", "Fənərbaxça", "Olimpiakos", "Lill", "Hatayspor"da oynamış Benzia bu mövsümü Fransanın "Dijon" klubunda (Liqa-2 təmsilçisi) keçirib. Onun klubu ilə müqaviləsi bu ilin iyununda başa çatmalıdır.

Benzia Fransa Liqa-1-də ümumən 131 oyun keçirib, 15 qol vurub və 13 qolun ötürməsini verib.

Yeniliklərdən daha tez xəbər tutmaq üçün bizi Teleqramda da izləyin...

Daha çox


Son xəbərlər
16.04.24  12:58

Avro-2024-ü buraxacaq