"Bu gün kiminsə üstünə düşməyə dəyməz" - Samir Abasov

ÖLKƏ FUTBOLU 25 Yanvar 2023 / 19:22 2438

- A +

"Sumqayıt"ın baş məşqçisi Samir Abasov Misli Premyer Liqasının 19-cu turunda "Zirə"yə 1:3 hesabı ilə uduzduqları oyundan sonra jurnalistlərin suallarını cavablandırıb.

Qol.az xəbər verir ki, o, əvvəlcə matç barədə fikirlərini bildirib.

- Oyun necə keçdiyini siz daha yaxşı gördünüz. Birinci hissə yaxşı, hərəkətli oynayırdıq. Rəqibə boşluqlar, epizodlar vermədik. baxmayaraq ki, hücumameyilli, yaxşı oyunçuları var idi. İlk yarıdan çox yaxşı təəssüratla ayrıldıq. Fasilədən sonra zəif təsir bağışladıq. Əfsuslar olsun ki, matçın gedişində mərkəz müdafiəçimizi itirdik. Əvəzedicisi də yox idi. Bu, buraxılan qollarda da özünü göstərdi. Əslində, Vurğun oyundan əvvəl zədələndi. Amma oyuna çıxsa da, sonadək davam etdirə bilmədi. Planlarımız pozuldu. Deyim ki, rəqibin təzyiqi və başqa cür oyunu var idi. Biz qopduq. Muradı arxaya çəkdik və ortanı rəqibə verdik. Üç qol vurmaq "Zirə"nin səviyyəsini ortaya qoyur. Amma ilk yarıdan razıyıq. Bu cür itkilər olmazsa, daha da yaxşı çıxış edəcəyik. Yeni oyunçularımız da meydanda idi. Bu çempionatı tanımırlar. Başa düşürük. Ümid edirik ki, gələn oyunlarda daha yaxşı olarlar.

- Yeni transferlər özlərini doğrultdular?

- Bəli, doğrultdular. Üçünün də oyunun yaxşı alındı.

- Vurğun Hüseynovun durumu nə yerdədir?

- Xoş deyil. Digər mərkəz müdafiəçimiz də uzun müddətə sıradan çıxıb. Ona görə də Murad Xaçayevi kənara çəkdik. Vurğun hansı müddətə qədər olmayacaqsa, bizim üçün fəlakətdir. Onun yerində həmin mövqenin oyunçusu çıxış etməyəcəksə, səhvlər olacaq. Həmin səhvləri də etdik. Bu gün kiminsə üstünə düşməyə dəyməz.

- Yeni transferlər gözlənilir?

- Xeyr.

- AFFA-nın baş katibi Sərxan Hacıyev bildirib ki, sonuncu yeri tutan liqadan düşəcək. Hazırda təhlükəli zonadasız. Hansı çatışmazlıqlar var ki, aradan qaldırmalısız?

- Çempionatı tərk edəcək komanda mayda məlum olacaq. Ona qədər vaxtımız var. Oyunları udmalıyıq. Ən azından təhlükəli zonadakı rəqiblərimizi udmalı və xal götürməliyik. Bu gün Vurğunun zədələnməsindən sonra oyun tamam dəyişdi. Amma biz iki hissəni də oynamalıyıq ki, xal götürək. Liqadan düşə də bilərik. Heç kim qarantiyə verməyib ki, düşməyəcəyik. Belə xallar itirəcəyiksə, düşə bilərik. Gənclərimiz çoxdur. Hamımız dərk etməliyik ki, yerimizi qorumalıyıq. Hamımız birlikdə çalışmalıyıq.

- Vurğun Hüseynov zədələnəndən sonra dəyişikliyi səhv etdiz?

- Bir mərkəz müdafiəçisi zədələnirsə, onu əvəz edən olmalıdır. Digəri də zədəlidirsə, problem yaşaya bilərsən. Dayaq yarımmüdafiəçisini müdafiəyə atdıq. Rüfəti də atdıq dayaq yarımmüdafiəçisi mövqeyinə. Ortada boşluqlar verdik, arxa da asan keçiləsi yer oldu. Birinci hissəyə diqqət etsəz, epizod vermədik. Amma sonradan üç qol buraxdıq. Çünki mərkəz müdafiəçisi yox idi, dayaq yarımmüdafiəçisi mövqeyi isə sağlam deyildi.

Daha çox