“Rəhim Sadıxovun davranışı xoşuma gəlmədi”

“Rəhim Sadıxovun davranışı xoşuma gəlmədi”
ÖLKƏ FUTBOLU 20 Dekabr 2022 / 22:00 4392
-  A +

“Zirə”nin baş məşqçisi Rəşad Sadıqov futbolçusu Rəhim Sadıxovdan narazılıq edib.

Qol.az xəbər verir ki, buna futbolçunun bu gün “Neftçi”yə qarşı Azərbaycan kubokunun 1/4 final mərhələsindəki davranışı səbəb olub. Əlavə vaxtda “Neftçi”nin qapısına təyin edilən penaltini “Zirə”nin hücumçusu Hamidu Keyta yerinə yetirib. Rəhim Sadıxov isə penaltini özü vurmaq istəyib və zərbəni Keytanın yetinə yetirməsinə etiraz edib. Keytanın zərbəsini “Neftçi”nin qapıçısı İvan Brkiç dəf edib. Daha sonra isə R.Sadıxov əvəzlənib.

Baş məşqçi Rəşad Sadıqov oyundan sonra “CBC Sport”a deyib ki, Rəhimin bu hərəkəti onun xoşuna gəlməyib: “Rəhimi əvəzləməm də bununla bağlı idi. Oyundan sonra futbolçularla ümumi söhbətimiz oldu. Bu durum tezliklə aradan qaldırılacaq”.

Xatırladaq ki, “Zirə” cavab matçında “Neftçi”yə 1:3 hesabı ilə uduzaraq (ilk oyunda 1:0) mübarizəni dayandırıb.

Yeniliklərdən daha tez xəbər tutmaq üçün bizi Teleqramda da izləyin...

Daha çox


Son xəbərlər
27.02.26  18:49

"Barselona"da qalır

topaz banner