"Bilmirik, qələbəyə görə sevinək, ya kədərlənək" - Samir Abasov

"Bilmirik, qələbəyə görə sevinək, ya kədərlənək" - Samir Abasov
ÖLKƏ FUTBOLU 4 Dekabr 2022 / 17:37 3307
-  A +

"Futbolçularımı qələbə münasibəti ilə təbrik edirəm. İlk qalibiyyətimiz oldu. Elə durumdayıq ki, bilmirik, qələbəyə görə sevinək, ya kədərlənək ki, niyə bu vaxta qədər qalib gələ bilməmişik? Futbolçular özünü oyuna çox yaxşı kökləmişdi. Onun da nəticəsidir ki, 10 nəfərlə qalsaq da, qələbə qolunu vurduq. Azarkeşlərimiz bu gün də gəlmişdilər. Sağolsunlar, möhtəşəmdirlər. Qələbəmizdə onların payı da çoxdur".

Qol.az xəbər verir ki, bu sözləri "Sumqayıt"ın baş məşqçisi Samir Abasov Misli Premyer Liqasının 16-cı turunda "Kəpəz"ə qalib gəldikləri oyundan (1:0) sonra keçirilən mətbuat konfransında deyib.

Mütəxəssis istəkli olduqları üçün azlıqda qalmalarına baxmayaraq, qalib gəldiklərini bildirib: "Öz aramızda da danışanda deyirdik ki, qələbə üçün nə lazımdırsa, edək. Lap oyun intizamından qopaq, lap oyunumuz "bardak" görünsün. Ancaq əsas odur ki, qalib gələk. Biz bu gün istəkli olmağımız sayəsində qalib gəldik. Bugünkü qələbə növbəti oyunumuza da təsir edəcək. Oyun üslubunda, bəzi məqamlarda problemlərimiz çoxdur. Oyunun gedişində biz də rəqibə boşluqlar verdik. Amma rəqib hansı komanda olsaydı da, eyni istəkdə mübarizə aparacaqdıq. Ötən turda "Qəbələ"yə qarşı da yaxşı oynamışdıq. Əfsuslar olsun ki, uda bilməmişdik. Amma Gəncədə qalib gəldik".

Abasov Araz Abdullayevin komandadan ayrılması ilə bağlı bunları deyib: "Onu çağırdım, danışdıq, vəziyyəti izah etdim. Bizim tərəfdən oldu. Nə danışdığımız isə aramızda qalsın. Damyan Daniçiç də komandadan göndərilib".

Çalışdırıcı "Yollarınızı ayıracağınız digər futbolçular kimlərdir?" sualını belə cavablandırıb: "İndiki vəziyyətdə bu haqda danışmaq düzgün olmazdı. Müsahibələrə futbolçular da baxır. Deyəcəyimiz sözləri əlehimizə işləyə bilər. Qışa çox qalmayıb, iki oyunumuz var. Bundan əvvəlkiləri necə bildinizsə, onlardan da xəbəriniz olacaq".

A.Abasov qarşıdan gələn qış transfer pəncərəsi üçün planları barədə də danışıb: "Bizim vəziyyətimiz digərləri ilə müqayisədə kritikdir. Elə futbolçular var ki, 12 komandalı liqada komandası 8-9-cu pillədədir, amma turnir cədvəlinə baxıb, bizdən imtina edirlər. Deyirlər, sonuncu pillədəsiniz. Onları da başa düşürük. Futbolçularla danışanda, öncə maddiyyatı danışmırıq, "bizim komandaya gələrsən?" sualını veririk. Turnir cədvəlini göstəririk. Daha sonra, stadionu, bazanı. Vəziyyətimiz çox çətindir. Qışdan sonra da bunu yaşayacağıq".

Daha əvvəl "Neftçi"ni də çalışdırmış mütəxəssis bu komandadan bütün futbolçuları "Sumqayıt"da görmək istədiyini deyib: "O futbolçulardan hamısını istəyərəm. Xüsusən də Emin Mahmudovu komandamda görmək istəyirəm (gülür)

Daha çox


Son xəbərlər
28.03.24  10:55

Qrizmann qayıtdı

27.03.24  21:58

Keyn sağaldı