"Qəlbimdən keçən odur ki, bu gün "Neftçi" "Qarabağ"a qalib gəlsin"

"Qəlbimdən keçən odur ki, bu gün "Neftçi" "Qarabağ"a qalib gəlsin"
ÖLKƏ FUTBOLU 2 Dekabr 2022 / 15:40 3177
-  A +

"Bugünkü oyun maraqlı keçəcək. Ümumiyyətlə, "Neftçi" və "Qarabağ" arasında bütün oyunlar gərgin olur. Həm də bu komandalar çempionluq uğrunda mübarizə aparırlar. Hər iki komandaya uğurlar arzu edirəm. Qəlbimdən keçən odur ki, bu gün "Neftçi" qalib gəlsin, liderlərdən geri qalmasın".

Bu sözləri Qol.az saytına açıqlamasında futbol mütəxəssisi Yunis Hüseynov deyib. 1984-1992, 1993-1998-ci illərdə "Neftçi"nin formasını geyinən keçmiş hücumçu Bakı təmsilçisinin bu gün Misli Premyer Liqasının 16-cı turunda "Qarabağ"a qarşı keçirəcəyi oyun barədə danışıb. O bildirib ki, "Neftçi"nin qalibiyyətini arzulasa da, "Qarabağ"ın qələbə qazanacağını düşünür:

"Sırf son matçlara baxanda "Neftçi"nin oyunu o qədər də xoşuma gəlmir. Amma inanıram ki, bu gün komanda toparlana biləcək. Əgər "Neftçi" "Səbail"lə matçda oynadığı oyunu "Qarabağ"a qarşı da göstərsə, bu, komandaya pis təsir edə bilər. Çünki "Qarabağ" iimkanlardan istifadə edən bir komandadır. Bu gün oyun baxımından favorit "Qarabağ"dır. Amma düşünürəm ki, "Neftçi" də əzmkarlıq nümayiş etdirərək qələbə qazana bilər".

Yunis Hüseynov "Neftçi"nin hazırda "Qarabağ"la ayaqlaşacaq gücdə olmadığını da qeyd edib: "Qarabağ" səviyyə baxımından çox güclüdür. Mən həmişə istəmişəm ki, "Neftçi" çempion olsun. Çünki ömrümü "Neftçi"yə vermişəm. "Neftçi" 8-ci pillədə olsa da, hər zaman deyəcəyik ki, "Neftçi" çempion olmalıdır. Hazırda "Qarabağ", "Sabah" və "Neftçi" digər komandaları üstələyirlər. Qarşıda çox oyun var. Bəlkə də qış fasiləsində komandada dəyişikliklər ola bilər. Amma bu gün son oyunlara baxanda görürəm ki, "Neftçi"nin çempionluğu çətin görünür. İndiki durumda "Neftçi" "Qarabağ"a çatacaq gücdə deyil. "Qarabağ" bu gün Avropa futbolu oynayır. Onların avrokuboklardakı çıxışları da göz qabağındadır. "Qarabağ" səviyyə baxımından çox güclüdür. Bu gün "Qarabağ"ın qalib gələcəyini düşünürəm".

Qeyd edək ki, bu gün "Bakcell Arena"da keçiriləcək "Neftçi" - "Qarabağ" oyunu saat 21:00-da start götürəcək. "Qarabağ" hazırda turnir cədvəlində 41 xalla 1-ci, "Neftçi" isə 32 xalla 3-cüdür. Bu komandalar arasında birinci dövrədəki oyunda Ağdam təmsilçisi 3:1 hesabı ilə qalib gəlib.

Nur Zeynalova

Daha çox


Son xəbərlər
08.02.23  22:13

"Traktor"dan qələbə