"Belə oyunlarda epizodlar az olur" - Ayxan Abbasov

"Belə oyunlarda epizodlar az olur" - Ayxan Abbasov
ÖLKƏ FUTBOLU 13 Noyabr 2022 / 17:10 1647
-  A +

"Gəncədə oynamaq xoşdur. Gözəl atmosfer var idi, yerli azarkeşlər komandalarına ruh verirdilər, bizim azarkeşlərimizə də xüsusi təşəkkürümü bildirirəm, həmişə olduğu kimi bizi tək qoymadılar, sona kimi dəstəklərilər".

Qol.az xəbər verir ki, bu sözləri "Turan Tovuz"un baş məşqçisi Ayxan Abbasov Misli Premyer Liqasının 14-cü turunda bu gün "Kəpəz"lə keçirilən oyundan sonra mətbuat konfransında deyib.

O, qolsuz başa çatan matçı belə şərh edib: "Ağır qrafikdə idik. Son 3 oyun çətin idi. Yorğunluqdan əlavə çoxlu zədəlimiz var. Bəzi futbolçularımıza təşəkkür düşür. Risk etdik, bəlkə də yenidən zədələnə bilərdilər. Bu oyunun mahiyətini bilirdik ki, bizə xal lazımdır. Çünki bizdən aşağıda olan rəqiblər yaxınlaşır. Mübarizəli oyun oldu. Belə oyunlarda epizodlar az olur. Hər iki tərəfin də fürsətləri oldu. Faislə var. Çalışacağıq ki, istirahəti də bərpanı da sağlıqlı şəkildə keçib növbəti oyunlarda bütün heyətlə oyunlara çıxaq. Növbəti oyunlara baxacağıq".

 A.Abbasov komandanın zədəli futbolçusu - kapitan Şəhriyar Əliyevin durumu haqda da danışıb: "Şəhriyar üç oyundur ağrı ilə oynayır. "Qarabağ"la matçda da son dəqiqələrdə onu meydandan çıxardıq. Bu gün onun oynamağı daha riskli idi. Bəlkə də, Şəhriyarı uzun müddətlik itirə bilərdik. Belə görüşlərdə mərkəz müdafiəçisini əvəzləmək risk tələb edir. Bizim üçün futbolçuların sağlamlığı önəmlidir. Müayinədən sonra durumu bilinəcək".

Daha çox


Son xəbərlər
27.02.26  18:49

"Barselona"da qalır

topaz banner