19:45
"Komandanı, rəhbərliyi ve azarkeşləri təbrik edirəm. Uşaqlar meydanda xarakter göstərdilər, son dəqiqəyə kimi mübarizə apardılar. Bu mübarizənin nəticəsində qələbə qazandıq".
Qol.az xəbər verir ki, bu sözləri "Sabah"ın baş məşqçisi Murad Musayev Misli Premyer Liqasının 12-ci turunda bu gün "Qəbələ"yə qalib gəldikləri oyundan sonra mətbuat konfransında deyib.
O, 2:1 hesablı qələbəni belə şərh edib: "Qalibiyyət bizim üçün mental cəhətdən də önəmlidir. Matçın sonlarına yaxın yorulmadıq. Bunlar məşqlərdə ağır və səylə çalışmağımızın nəticəsidir. Bir şey demək istəyirəm. Bundan sonra rəqib oyunçular hər kiçik toxunuşdan sonra yıxılıb yerdə qalacaqlarsa və ya ikinci dəqiqədə qol vurub, 88 dəqiqə özlərini yerə atacaqlarsa, biz topu kənara çıxarmayacağıq. Bunun feyr-pleylə əlaqəsi yoxdur. "Qəbələ"nin bir neçə oyunçusuna da sarı vərəqə göstərilmədi. Hakim deyirsə ki, sərt oynayaq, mən razıyam. Həmişə sərt oyunun tərəfdarı olmuşam".
Rusiyalı mütəxəssis rəqib futbolçularının vaxtı bilərəkdən uzatmasından gileylənib: "Buna görə temp aşağı düşür. Avroliqa oyunlarında belə şey olmur. Futbol hiyləgərliyi var. Bunu yüksək tempin qarşısını almaq üçün bir-iki dəfə etmək olar. Amma eyni hal 10-15 dəfə təkrarlanırsa, düzgün deyil. Bu gün "Şamaxı" - "Qarabağ" matçına baxdım. Orada da eyni hal yaşanırdı. Elə başa düşdüm ki, "Şamaxı"nın bütün futbolçuları xəstələnib. Görsək ki, həqiqətən də oyunçu zədələnib, onda topu kənara çıxararıq. Amma özünü zədələnmiş kimi göstərib, bir dəqiqə sonra qaçırsa, belə olan halda yox".
M.Musayev komandasının ilk hissədəki gərginliyindən də danışıb: "Biz turnir cədvəlinə baxmamalıyıq. Düz deyirsiniz, oyuna çox pis başladıq. Rəqib 5-ci dəqiqədə önə keçdi. Amma 10 dəqiqə sonra əvvəlki "Sabah"ı meydanda görməyə başladıq. Unutmamalıyıq ki, "Qəbələ" əks-hücumlarda çox təhlükəli rəqibdir. Hesabın 0:1 olmasına baxmayaraq, biz nəticəni öz xeyrimizə dəyişə bildik".
Musayev "Qəbələ" haqda müsbət fikirdə olduğunu da əlavə edib: "Qəbələ" komandasına simpatiyam var. Onlar çox gözəl futbol sərgiləyirlər. Maraqlı fikirləri, ideyaları olan komandadır. Qarşılaşmadan sonra rəqib baş məşqçinin əlini sıxdım. Onlara gələcək oyunlarda uğurlar və qələbələr arzulayıram".
"Neftçi"də itki
“Heç vaxt təslim olmayan “Barselona” görmək istəyirəm”
"Zirə" "Araz-Naxçıvan"ı belə məğlub etdi - Video
"Bütün baş verənlər bizim səhvlərimizin nəticəsi idi"
"Zirə" "Araz-Naxçıvan"a, "Kəpəz" "Sumqayıt"a qalib gəldi
Kamilo Durandan “Qarabağ”a xoş müjdə
Azərbaycan boksçusu erməniyə qalib gəldi
"Barselona"da qalır
"Kəpəz" - "Sumqayıt" oyunundakı 3 qol - Video
"Rəhbərlik komandaya yaxşı motivasiya verir" - Azər Bağırov
"Belə bəsit qollar buraxdığımıza inana bilmirəm" - Saşa İliç
D lisenziyalı məşqçi kursları yekunlaşıb
Konfrans Liqasında 1/8 final mərhələsinin püşkü atıldı
"Qarabağ"dan Kamilo Duranla bağlı açıqlama
"Araz-Naxçıvan" - "Zirə": Heyətlər
Avropa Liqasında 1/8 final cütlükləri müəyyənləşdi
Çempionlar Liqasında 1/8 finalın püşkü atıldı
"Neftçi" basketbol komandası baş məşqçisini göndərdi
