19.04.25
Bakıdan Nanta altı saatlıq yorucu uçuşdan sonra “Qarabağ”ı Fransaya gətirən təyyarə “Nant Atlantik” hava limanına eniş edir. Aeroportdan çıxarkən bir qrup həmyerlimizin “Qarabağ”, “Qarabağ” alqış sədaları eşidilir. Onlar sevimli komandalarını dəstəkləmək, tək olmadıqlarını nümayiş etdirmək üçün hava limanına gəliblər.
Elə ondan başlayım ki, Nant Fransada azərbaycanlıların ən çox yaşadığı şəhərlərdən biridir. Burada təxminən 4 minədək azərbaycanlı yaşayır. Maraqlı məqam isə odur ki, soydaşlarımızın demək olar yarısından çoxu bura Salyandan köçüb. Bildiyimə görə, 1000-ə yaxın salyanlı ailə uzun illərdir həyatlarına Nantda davam edirlər. Yeri gəlmişkən, telejurnalist Vəsilə Vahidqızının Nantda yaşayan azərbaycanlı ailələrlə bağlı hazırladığı reportajı internetdən tapıb maraqla izlədim. Bu ailələr üçün bir neçə ildir “Qarabağ-Azərbaycan” məktəbi də fəaliyyət göstərir.
Nant ərazisinə görə Fransanın altıncı böyük şəhəridir. Rəsmi məlumatlara görə, burada 300 mindən çox insan yaşayır.
Şəhər ilk baxışdan öz sakitliyi və səliqəsi ilə diqqət çəkir. Yaşıllıq çoxdur. Elə buna görə də çox vaxt Nantı “Fransanın yaşıl paytaxtı” adlandırırlar. Parisdən fərqli olaraq, Nant xeyli təmiz və hay-küydən uzaq yerdir.
Şəhər çoxlu kiçik çayların keçdiyi Luara vadisində yerləşir. Fransanın ən uzun çayı olan Luara Nant yaxınlığında Atlantik okeanına tökülür. Tiflislə qardaşlaşmış şəhərdir. Nant həmçinin özünün üzüm bağları ilə də tanınır. Məşhur fransız ağ şərabı “Muscadet” burada istehsal olunur.
Əsası 1434-cü ildə qoyulmuş Sent Pyer və Sent Pol katedralı. Bu katedralın tikintisi 457 ilə başa çatdırılıb. İki il öncə baş verən yanğından sonra xeyli ziyan dəyib. Təmir-bərpa işlərinin hələ gələn il başa çatdırılacağı deyilir.
“Nant” oyunlarını 37 min tamaşaçı tutumu olan “Stade de la Beaujoire” arenasında keçirir. Stadionun qarşısında əfsanəvi fransız futbolçu Anri Mişelin heykəli qoyulub.
Bugünkü oyunda stadiondan “Qarabağ”ı 400-500-dək azərbaycanlı azarkeşin dəstəkləyəcəyi gözlənilir. Bu rəqəmin matç saatına kimi artma ehtimalı da var. Yeri gəlmişkən, UEFA “Qarabağ”ın müraciətindən sonra baş verə biləcək mümkün erməni təxribatı ilə bağlı oyuna təhlükəsizliklə bağlı xüsusi nümayəndə təyin edib.
Həmkarlarım İlkin Xəlilov və Tural Xudiyevlə
Saat 23:00-da başlayacaq matçda “Qarabağ”a uğurlar arzulayırıq. Təbii ki, könüldən daha bir qələbə, daha bir darmadağın keçir. Amma Avropa Liqasının play-offunu təmin etmək üçün bu gün bir xal da kifayətdir.
Mirhacib Məcid,
Nant, Fransa
Evdə 150-ci qol
"Qarabağ"ın 2 qollu qələbəsindən - Video
"Bu məsələ inandırıcı görünmür" - Qurban Qurbanov
"Rəqib bizdən üstün idi" - Elmar Baxşıyev
"Qarabağ" "Araz-Naxçıvan"a, “Kəpəz” "Sumqayıt"a qalib gəldi
"Kəpəz"in qələbəsindən - Video
"Komanda üzvləri ilə danışığımız oldu" - Azər Bağırov
Millimiz böyük hesabla Belarusa uduzdu
“El-Klasiko”nu “Barselona” qazandı - Yenilənib
Mbappe "Real"da rekorda imza atdı
"Qarabağ" - "Araz-Naxçıvan" matçı üçün heyətlər
"Napoli" onunla danışıqlara başladı
Pedri mükafatlandırıldı
"Real"ın futbolçusu əməliyyat olunacaq
"Kəpəz" - "Sumqayıt": Heyətlər
Onlar da Bundesliqanı tərk etdi
Azərbaycan klublarının yeni dünya reytinqi
"Sevilya" azarkeşləri klubun bazasına hücum etdilər - Şəkil
"Real"ın Kurtua ilə bağlı qərarı bilindi
"Əl-Nəsr" Ronaldo ilə danışıqları dayandırıb
200 min manatınızdan keçib, o meydançaları yox edin!
Messinin qolu böyükhesablı məğlubiyyətə əngəl olmadı
“Kubokun finalına baxmayacağam” - Emin Mahmudov
Diniyev oynadı, komandası uduzdu
"Atletiko"nun hücumçusu 23 dəqiqəyə poker etdi - Video
Tanınmış menecer Premyer Liqa klubuna təyinat alması haqda
7 illik fasilədən sonra Bundesliqaya qayıtdılar
Vüsal İsgəndərlidən məhsuldar ötürmə
Həmyerlilərimizin komandasının qələbə həsrəti bitdi
“Yuventus” qələbəni əldən verdi - Video
