“Qarabağ”a məğlubiyyət boğazımda düyünlənib” - "Nant"ın futbolçusu

“Qarabağ”a məğlubiyyət boğazımda düyünlənib” - "Nant"ın futbolçusu
ÖLKƏ FUTBOLU 26 Sentyabr 2022 / 12:06 3038
-  A +

“Frayburq”la qarşıdakı iki oyun və çempionatdakı matçlar barədə düşünürəm. Bunlar mürəkkəb, eyni zamanda vacib oyunlardır”.

Qol.az xəbər verir ki, bu sözləri Avropa Liqasının qrup mərhələsində "Qarabağ"ın rəqibi olan “Nant”ın futbolçusu Dennis Appia klubun rəsmi saytına açıqlamasında deyib.

Fransalı müdafiəçi hələ də Bakıda “Qarabağ”a 0:3 hesabı ilə uduzduqları matçı unuda bilmədiyini qeyd edib: “Avropa səviyyəsində bir neçə böyük klubla qarşılaşacağıq. Bu cür təqvimi sevirik, uğurlu seriya üçün ayaqlarımızı yerə basmalıyıq. Avropa Liqasının qrupunda “Olimpiakos” üzərində qələbə əla idi. Bunun üçün hər şeyimizi ortaya qoyduq. Emosional baxımdan bu turnir daha çox şey gətirir. Ancaq ikinci turda “Qarabağ”a məğlubiyyət hələ də boğazımda düyünlənib. Avrokubok matçlarının nə qədər mürəkkəb olduğunu bilirik”.

Qeyd edək ki, oktyabrın 6-da qrup mərhələsinin 3-cü turunda “Qarabağ” “Olimpiakos”un, “Nant” isə “Frayburq”un qonağı olacaq. 

Daha çox


Son xəbərlər