"Qürurlu və sevincliyəm" - Ozan Can Kökçü

"Qürurlu və sevincliyəm" - Ozan Can Kökçü
ÖLKƏ FUTBOLU 25 Sentyabr 2022 / 22:35 4293
-  A +

Millimizin yarımmüdafiəçisi Ozan Can Kökçü UEFA Millətlər Liqasının 6-cı turunda bu gün Qazaxıstana qalib gəldikləri oyundan (3:0) sonra Qol.az-ın müxbirinin də iştirak etdiyi brifinqdə jurnalistlərin suallarını cavablandırıb.

- Oyunla bağı fikirlərin nədir?

- Çox xoşbəxtik. Ardıcıl 3-cü qələbə oldu. Qürurlu və sevincliyəm. Hər kəs qürurludur. Bunu gələcək turnirlərdə də davam etdirməyə çalışacağıq.

- Artıq millidə yerini aldığını düşünürsən?

- Milli elə yerdir ki, burada hər zaman olacaqsan deyə bir şey yoxdur. Daim izlənilirsən. Bura gələndə hər zaman canla-başla çalışmalısan. 

- Qardaşın Orkun Kökçü Türkiyə millisindədir, sən də Azərbaycan...

- Biz milliyətci ailəyik. Azərbaycan və Türkiyənin mənim üçün fərqi yoxdur. Qürurlu və xoşbəxtik.

- Bu matçlar göstərdi ki, yaxşı formadasan. Azərbaycana qayıtmağı düşünürsən?

- Nə danışsam, yanlış başa düşülər. Azərbaycanda yaxşı komandalar var. "Qarabağ", "Neftçi", "Zirə"... Futbolda nəyin necə olacağını bilmək olmaz. İndi "Eyndhoven"də özümü yaxşı hiss edirəm, işlərimiz yaxşı gedir. Mövsümün sonunda necə olacağını görəcəyik.

Daha çox


Son xəbərlər