00:08
“Əsas odur ki, millimiz sonuncu yeri tutmasın. Çünki son pillədə olanda aşağı liqaya düşürsən. Ona görə də mütləq Qazaxıstana qalib gəlmək, Slovakiya ilə də heç olmasa heç-heçə etmək lazımdır”.
Bu sözləri Qol.az-a açıqlamasında AFFA Məşqçilər Komitəsinin üzvü Ağasəlim Mircavadov deyib.
Yığmamızın Millətlər Liqasında Slovakiya və Qazaxıstan ilə keçiriləcək oyunları haqda danışan Azərbaycanın Əməkdar məşqçisi bildirib ki, “Qarabağ”ın avrokuboklarda göstərdiyi baxımlı oyunlar yığmaya da müsbət təsir etməlidir: “Qarabağ”ın yaxşı oyunları millimizə böyük ruh yüksəkliyi verməlidir. Çünki yığmanın oyunçularının əksəriyyəti “Qarabağ”ın üzvləridir. “Qarabağ” göstərdi ki, yüksək zirvəyə doğru gedir. Adətən klublar yaxşı olanda yığma da müsbət nəticə əldə edir. Məşqçi amili də vacib olacaq. Onun seçdiyi heyət, taktikası, oyunun gedişatındakı müdaxiləsindən çox şey asılıdır”.
Təcrübəli mütəxəssis millimizin italyan çalışdırıcısı De Byazinin heyət seçimini tənqid edib: “Çox qəribə heyət seçimi görürəm. Elə oyunçular var ki, klubunda oynamır, amma yığmaya dəvət alıb. Elələri var ki, klubunda çox yaxşı oynayır, milliyə çağırılmayıb. Bu il Qara Qarayevin oyunu çox yüksək səviyyədədir. O mövqedə Qara Azərbaycanda birincidir. Yaddan çıxarmayaq ki, Qara bir çox oyunlarda “Qarabağ”ın kapitanı olur. Yəni oyunçunun psixologiyasına əl dəyməmək, ona hörmət etmək baş məşqçi üçün vacib məsələdir. Qara da o oyunçulardandır. Son matçlarda “Qarabağ”da çox əla oynadı. Onun milliyə niyə dəvət olunmaması həddindən artıq böyük sualdır.
Klub səviyyəsində hər cür futbolçular olur və müxtəlif qərarlar verə bilərsən. Amma milli komandada məşqçi heç vaxt oyunçu ilə intriqa aparmamalıdır. Futbolçu komandaya vacib lazımdırsa, xasiyyəti necə olur-olsun, baş məşqçi onu heyətə dəvət etməlidir. Biz İtaliya, Fransa, Almaniya deyilik ki, bir mövqedə 10 oyunçumuz olsun. Özü də Qara sırf azərbaycanlıdır, milliləşdirilən oyunçu deyil. Buna da fikir vermək lazımdır”.
A.Mircavadov qeyd edib ki, millimiz yaxşı nəticə əldə etmək üçün oyun sistemini dəyişməlidir: “Yığmanın özəyini xeyli vaxtdır ki, “Qarabağ”ın oyunçuları təşkil edir. Biz də Məşqçilər Komitəsi olaraq çoxdan deyirik ki, niyə millimiz də “Qarabağ”ın oyun sistemi ilə oynamasın? Biz bunu De Byaziyə bildirmişik. Ancaq onun sistemi başqadır. İtalyanlar beşli müdafiəni sevirlər. Axı klublarımız bu sistemlə oynamır. Futbolçu eyni sistemdə oynayanda ona da rahat olur. Bir sistem fayda vermirsə, deməli, dəyişiklik etmək lazımdır”.
Mircavadov sonda onu da bildirib ki, millimiz qrupda sonuncu olsa, De Byazinin millidə qalması çətin görünür: “Yaxşı nəticə əldə etsin ki, müqaviləsi başa çatanda desinlər ki, “sağ ol, axırda yaxşı nəticə oldu”. Biz axırıncı yer tutsaq, bu, De Byazinin millidəki taleyinə təsir edəcək. Mən həmişə azarkeşlərin yanındayam. Onlar həmişə bildirirlər ki, bu oyunla yığmamız da yaxşı çıxış edər. Onların sözlərinə qoşuluram, düz deyirlər. Ancaq bunu həyata keçirən lazımdır. Bunu da baş məşqçi etməlidir. Baş məşqçi amili həddən artıq böyükdür. Təəssüf ki, Azərbaycanda yerli ilə xarici mütəxəssisə eyni münasibət göstərilmir”.
Ramiq Ağaməmmədov
_22.01.19.jpg)
Bəhlul Mustafazadə: "Bunu bacara bilərdik"
"Belə davam etməliyik" - Mahir Emreli
"Qürurlu və sevincliyəm" - Ozan Can Kökçü
"Bugünkü məğlubiyyət mənim üçün ağırdır" - Məhəmməd Adiyev
Millimiz böyükhesablı qələbə ilə qrup ikincisi oldu
Futzal millimizin üzvü Fransa klubunda
DÇ-2022-də oynamaq üçün əməliyyatdan imtina etdi
"Qaradərili məşqçilərin imkanları məhduddur" - Zeedorf
Azərbaycan - Qazaxıstan: Heyətlər
19 ildən sonra evdə məğlub oldular
"Qəbələ" - "Hayduk" matçının hakimləri açıqlandı
"Hamımız Ronaldodan qol gözləyirik"
Qaltyedən Mbappeni az oynatmasını istədi
"Barselona"nın Messi planı
"Real"dakı ən yaxşı günüm klubdan ayrıldığım gün idi"
Keyn: "Panikaya düşmürük"
Arda Turan "Qalatasaray"ın məşqçi heyətində yer alacaq?
Jordi Alba: "Biabırçılıqdır"
“Kəpəz” Gəncə stadionuna qayıdır - Rəsmi
"İngiltərəni dünya çempionatına aparacaq məşqçi mənəm"
"Mourinyo üçün döyüşə gedərik"
Ronaldodan darmadağından sonra paylaşım
İspaniyanın məğlubiyyəti - Video
Millimizin Qazaxıstanla oyun üçün iştirak ərizəsi
Portuqaliyadan Çexiyaya 4 cavabsız qol - Video
İsrail A liqasında, Portuqaliyadan darmadağın
U-21 millimiz “Şamaxı”ya uduzdu
Rəqib qapıçı Ronaldonun burnunu əzdi - Şəkillər
Rusiya millisi 2022-ci ildə ilk oyununa çıxdı
Millimizin son məşqi - Şəkillər
Emin Mahmudov: "Bəzi oyunlarda bəxtimiz gətirmirdi"
"Barselona"nın 4 futbolçusu "İnter"lə oyunu buraxa bilər
"Millidəsənsə, özünü düzgün aparmalısan" - De Byazi
"Mançester Yunayted" De Xea ilə müqaviləni uzadır
Ukrayna Ermənistanı darmadağın etdi
Suares: "Niyə dünya çempionu olmayaq?"
Maqomed Adiyev: "De Byazidən hörmətsizlik gördüm"
U-19 millimiz Türkiyəyə darmadağınla uduzdu
"Azərbaycana qalib gəlməliyik"
Kunde sıradan çıxdı
"İnsanların dediklərinə fikir vermirəm"
Yankoviç və Veşoviç Millətlər Liqasında oynadılar
Messi: "Yenidən futboldan həzz alıram"
"Milan"da itki
