"Dzyuba gəlsə, gərək biz də maaşımızın bir hissəsini ona verək" - Ozobiç

"Dzyuba gəlsə, gərək biz də maaşımızın bir hissəsini ona verək" - Ozobiç
ÖLKƏ FUTBOLU 10 Avqust 2022 / 13:11 14900
-  A +

“O, İbrahimoviçə oxşayır. Yekəpər, sürəti az. Onunla tanış olan kimi bildim ki, gələcəyin ulduz futbolçusudur. Artyom o vaxt da zarafatçıl idi. Onunla ünsiyyət qurmaq əla idi”.

Qol.az xəbər verir ki, bu sözləri “Qarabağ”ın futbolçusu Filip Ozobiç “Match TV”yə müsahibəsində deyib.

O, Moskva “Spartak”ında komanda yoldaşı olmuş rusiyalı hücumçu Artyom Dzyubanın “Qarabağ”a mümkün transferi haqda danışıb. Millimizin yarımmüdafiəçisi forvardın 34 yaşında olmasına baxmayaraq, hələ də yüksək səviyyədə çıxış etdiyini bildirib:
“Gəlsə, mütləq komandada fərq yaradacaq. Yeganə problem odur ki, maaşı yüksəkdir. Onda gərək öz maaşımızın bir hissəsini ona verək (gülür). Ciddi desək, Artyom hələ də yüksək səviyyədə oynaya bilir.O, yenə də özünü göstərəcək”.

Qeyd edək ki, “Zenit”dən ayrılan Artyom Dzyuba ilə “Qarabağ” və “Neftçi”nin maraqlandığı haqda xəbərlər yayılmışdı.

Daha çox


Son xəbərlər
01.10.22  18:16

Tovuzda 4 qol - Video