"Qarabağ" Ovusu üçün 300 min avro tələb edib?

"Qarabağ" Ovusu üçün 300 min avro tələb edib?
ÖLKƏ FUTBOLU 30 İyun 2022 / 18:24 4590
-  A +

Türkiyə mətbuatı "Qarabağ"ın futbolçusu Ovusu Kvabena haqda növbəti məlumatı yayıb.

Qol.az "haberlisin.com"a istinadən xəbər verir ki, "Sakaryaspor" qanalı hücumçunun transferində israrlıdır. Xəbərdə qeyd olunub ki, Ağdam klubu Ovusu üçün qarşı tərəfdən 300 min avro tələb edib. 1-ci liqa təmsilçisi isə futbolçunu daha aşağı məbləğə almaq istəyir.

"Qarabağ"ın mətbuat xidmətinin rəhbəri Gündüz Abbaszadə ötən gün Qol.az saytına açıqlamasında Kvabena üçün heç bir klubdan rəsmi təklif almadıqlarını bildirmişdi.

Qeyd edək ki, O.Kvabena ötən mövsüm icarə əsasında "Ankaragücü"ndə (Türkiyə) oynayıb. 25 yaşlı hücumçu iyunun 13-də "Qarabağ"ın düşərgəsinə qayıdıb. O, 2020-ci ildən Ağdam təmsilçisində çıxış edir.

Daha çox


Son xəbərlər
28.03.24  10:55

Qrizmann qayıtdı