"Neftçi" yeni idman direktoru Zaur Əzizovu ictimaiyyəti təqdim edib. Təqdimat "Bakcell Arena"da baş tutub. Zaur Əzizov tədbir zamanı jurnalistlərin suallarını cavablandırıb:
- Qısa müddət öncə bu məqsədlə sizinlə görüşəcəyimizi düşünmürdüm. Klub prezidentindən təklif gəldi, bir neçə müzakirədən sonra qərar verdim. "Neftçi"yə keçidimə görə şadam, ümid edirəm ki, hər birimiz üçün, klub üçün uğurlu, xeyirli olar. İstər klub rəhbərliyindən, istərsə də azarkeşlərdən deyilən sözlər məni çox daha məsuliyyətli olmağa məcbur edir. Ümid edirəm, bu klubda etimadları doğruldacağam. "Neftçi"də uğur qazanmaq klubun keçmiş azarkeşi kimi böyük arzumdur.
- Kamran Quliyevin təyinatından sonra ilk rəsmi şəxssiniz ki, bu cür təqdimat keçirilir. Bu məsuliyyətli olmaq yönündə pressinqdir, yoxsa populyarlıqdandır?
- Azərbaycanda futbol ailəsi çox böyük camiə deyil. Bəlli çevrə var. Onların içində jurnalistlər, hamımız bir-birimizi tanıyırıq. Konkret səbəb deyə bilməyəcəyəm. Yəqin ki, jurnalistlərin, keçmiş həmkarlarımın bu yöndə istəkləri oldu. Biz də fikirləşdik ki, ən doğrusu bu olar. Amma bunun özü də məsuliyyəti daha da artırır.
- "Qəbələ"də təlabət buradakı kimi deyil. "Neftçi"də media və azarkeşlərin də tələbatı var. Bu, işinizə mane olmayacaq?
- Düşünmürəm. Görəcəyimiz işlər eynidir. Klubun qarşısındakı məqsədləri bilirik. "Qəbələ" və "Nefçti"də görəcəyimiz işlər bir-birindən fərqlənməyəcək. Təbii ki, "Neftçi"yə diqqət daha fərqlidir. Amma bu barədə narahatlığım yoxdur. Ən önəmli məsələ işimizi düzgün qurmaq və inkişaf etdirməkdir.
- Hazırkı "Neftçi"də nə çatışmır?
- Hər bir klubda nəsə çatışmır. Bir çox məqam ola bilər. Hazırda "Neftçi" ilə tanış olmadığıma görə dolğun cavab verə bilmərəm. Təbii ki, klub rəhbərliyi, akdemiya rəhbərliyi ilə müzakirələr etdikdən sonra inkişafdan danışarıq. Bəlli resurslar müqabilində kifayət qədər ciddi işlər görülüb.
- Planlarınız nədən ibarətdir?
- Stabil komanda yaratmağın yolu birdir: Uğurlu məşqçilər korpusu, futbolçu heyəti formalaşdırmaq. Eyni zamanda akademiyada da layihələr, strategiyalar olmalıdır. Mən gələndən sonra komanda dərhal fərqli mərhələyə qədəm qoymayacaq. Onsuz da komanda yüksək mərhələdədir. Necə irəli gedə bilərik, ona baxacağıq.
- Tapşırıqlar genişdir. Bunun üçün sizə böyük bir komanda lazım olacaq...
- Akademiya, əvəzedici, əsas komanda hamısı birdir. İlkin dönəmdə işlə tanış olacağıq. Əsas komanda üzdə olan hissədir, ancaq akademiya ilə bağlı kifayət qədər məlumatım yoxdur. Müəyyən qərarlar vermək üçün vaxt lazımdır. Bəlli dönəmdən sonra menecment hissəsi ilə bağlı müzakirələrimiz olacaq.
- “Qəbələ”dən ayrılmağınız necə oldu? Ordan sizə deyilibmi ki, mövsümün bitməsini gözləyəsiniz?
- Çox çətin qərardır. Həm “Qəbələ”dən ayrılmaq çətin idi, həm də “Neftçi”nin təklifini geri çevirmək. İlk təmas olduqdan sonra Fariz Nəcəfovla danışdım, belə bir məsələnin olduğunu bildirdim. Əlbəttə, klubda qalmağımı istədiyini bildirdi. Ancaq tam olaraq özümün qərar verəcəyimi və dəstək olacağını söylədi. Qışda ayrılmağın daha məqsədəuyğun olduğunu düşündüm. “Qəbələ”də işlər yaxşı, gözlənilənin üzərində gedir. Qışda ciddi dəyişiklik olacağını gözləmirəm. Yayda isə daha ciddi çətinlik yaşanardı. Bəlkə də, həmin vaxt belə qərar verməzdim. Yayda Azərbaycan klublarında ciddi dəyişikliklər olur. Avrokuboklar öncəsi klubdan getməyi daha yanlış, riskli adlandırardım. İndiki dönəmdə orda heyət formalaşıb, yaxşı işlər görülür. Prosesin belə davam edəcəyini düşünürəm. Artıq yerimə təyin olunan şəxs yaya qədər rahatlıqla adaptasiya dövrü keçəcək, onu nələrin gözlədiyini biləcək, buna hazır olacaq. Məncə, tam vaxtıdır.
- Qışda “Neftçi”də hansı dəyişikliklər olacaq?
- Ciddi dəyişikliklər gözlənilmir. Qışda çox zaman belə olmur. Gəlib-gedəcək futbolçular müzakirə olunur. Ən vacib məsələ klubun yay üçün hazır vəziyyətə gəlməsidir. Mümkün olan dəyişiklikləri qışda, digərlərini yayda edəcəyik. Futbolçu heyəti ilə bağlı çatışmazlıqlar bəllidir. Bu istiqamətdə iş gedir.
- Samir Abasovla ilk dəfə çalışacaqsınız. İlkin söhbətinizdə təəssüratlar yarandı? Nəzərə alaq ki, o, idman direktoruna ehtiyac olmadığını söyləmişdi...
- İlkin fikirlərim müsbətdir. Baş məşqçi həmişə fikir bildirə bilər. Önəmli olan klubun strukturudur. Eyni fikirdə qala da bilər. Əminəm ki, uğurlu şəkildə çalışacağıq. Qısa görüşümüz olub. Bu, tam fikir bildirmək üçün kifayət etmir. Kənardan gördüyüm qədər məşqçiyə lazım olan xüsusiyyətlərə sahib insandır. Üzərində işləyən, inşkişaf etmək istəyən və çempion mütəxəssisdir. Kifayət qədər mütəxəssislə işləmişən, öz tərəfimdən hansı dəstək ola bilərəmsə, 24 saat hazır olacağam.
- Kamran Quliyevlə müzakirələrinizdə “Qarabağ” adı nə qədər çəkilib?
- Hansısa klubu müzakirə etməmişik. Konkret detaldan söhbət gedə bilər. Önümüzdə “Neftçi” kimi klubda həyata keçirmək istəyirmiz layihələr var. Önəmli olan budur (sportal.az).
Yurgen Kloppu Arne Slot əvəzləyə bilər
"Ola bilər ki, həvəssizlik olsun" - Qurban Qurbanov
"Qarabağ" - "Neftçi" oyunundakı 5 qol - Video
Azərbaycan kubokunda finalçılar müəyyənləşdi
"Qəbələ"də 300-cü oyun
"Zirə"ni finala yüksəldən qələbə - Video
"Qarabağ" - "Neftçi": Heyətlər
Jiru ABŞ klubu ilə müqavilə imzaladı
“Qarabağ”ın direktorundan Zubirlə bağlı xəbərlərə münasibət
Region Liqasının final oyununun yeri və saatı bilindi
Haaland növbəti oyunu buraxacaq
"Çelsi" tarixinin antirekordu
“Qəbələ” - “Zirə”: Heyətlər
Şirkətlər Liqasında növbəti tur başa çatdı
Zubir Liqa 1 klubunun hədəfində
Kapitan 15 il sonra komandadan ayrılır
Bəlkə, "Bayer 04" adını dəyişib "Bayer 90+" qoysun...
"Sabah"ın oyununa bilet al, "İphone-15" qazan!
Mbappe "Real" üçün 130 milyon avrodan keçməyə hazırdır
Azərbaycan çempionatında növbəti finalçı müəyyənləşdi
"Yurqorden" Musa ilə yolları ayıracağının anonsunu verdi
"Neftçi"nin iki futbolçusu "Qarabağ"la oyunu buraxacaq
Legioner rüsumu 50 min manat olsa...
Karlos Teves xəstəxanaya yerləşdirildi
Bir gündə beş boksçumuzun beşi də uduzdu - Avropa çempionatı
Kubokun cavab oyunlarına hakim təyinatları açıqlandı
Premyer Liqa klubunun futbolçuları saxlanıldılar
Arda Güler "Real"dan ayrılmaq istəmir
İtaliya kubokunda ilk finalçı bilindi
"Arsenal" "Çelsi"ni 5 cavabsız qolla məğlub etdi
"Göygöl"ün qələbəsi - Video
"Qəbələ" cavab oyununa itkilərlə çıxacaq
Çalhanoğlu: "Bir fincan qəhvə məndən bahadır"
Azərbaycanın U-17 millisi Belarusa uduzdu
"Füzuli" liderlə fərqi belə azaltdı - Video
“Bavariya” əfsanəvi futbolçuya heykəl ucaldacaq
"Şahdağ Qusar"ın qol şousu - Video
"Liverpul"da ciddi itki
2-ci liqa: 4 oyunda 19 qol