"Qəbələ"nin kapitanı Cavid Hüseynov Qol.az-a müsahibə verib. Klubun prezidenti Tale Heydərovun vəzifəsindən istefasına münasibət bildirən yarımmüdafiəçi komandanın gələcək taleyindən danışıb.
- Tale Heydərovun istefası bütün ictimaiyyət üçün gözlənilməz oldu. Bu qərar komandadakı ümumi ab-havaya necə təsir etdi?
- Qərarı dünən bildik, hamı kimi biz də şok olduq. Dünən heç bir məlumatımız yox idi. Vitse-prezidentimiz Fariz Nəcəfov komanda ilə görüşdü. Deyildi ki, Tale müəllimin istefa verməsi klubun iddiasına, hədəflərinə təsir etməyəcək. Qaldığımız yerdən eyni şəkildə davam edirik. Hamının müqaviləsi var. Buna riayət etmək lazımdır. Maddi cəhətdən heç bir axsaqlıq yoxdur. Maaşımızı, mükafatımızı alırıq. Bu, biz futbolçulara mane olmamalıdır.
- Klubun hədəflərini dəyişməyəcəyi, iddialı olacağı növbəti mövsümə də aiddir?
- Bunun növbəti mövsümə aid olub-olmadığını indidən deyə bilmərəm. Çünki bu barədə söhbət olmadı.
- Yeni prezidentin kimliyi ilə bağlı danışıq olmadı?
- Yox, o haqda heç bir söhbət getmədi.
- Bir kapitan kimi necə düşünürsən, bu qərar klubun gələcəyinə necə təsir edə bilər?
- İndi bu barədə nəsə demək çətindir. Bugünkü gündə komandada ab-havanın pisləşməsi üçün heç bir səbəb yoxdur. Sadəcə, işlə əlaqəli atılan bir addım idi. Hamının mövsümün sonuna kimi müqaviləsi var. Hər kəsin pulu verilir. Məncə, hər hansı narahatlıq olmamalıdır.
- Artıq neçə ildir bu komandada oynayırsan. Tale Heydərovu ən yaxşı tanıyanlardan biri də sənsən. Onun gedişi "Qəbələ" üçün nə deməkdir?
- Bu klubu Tale Heydərov sıfırdan qurub. Hamı razılaşar ki, çox iş görülüb, xeyli əziyyət çəkilib. Artıq müəyyən nöqtəyə də gəlib çatıblar. Bu addımın atılmasına nə səbəb olub, bunu bilə bilmərəm. Tale müəllimin işi ilə bağlı olan məsələdirsə, normal qarşılamalıyıq. Əlbəttə, hər kəs ona öyrəşmişdi. İdman sahəsində "Qəbələ" üçün çox iş görüb. Ümid edək ki, bu işlər dayanmayacaq, Tale müəllimin prezident vəzifəsindən gedişi klubun sonu olmayacaq.
- Tale Heydərov çətin vaxtlarında sənə çox dəstək oldu. Həbsdə olduğun vaxt bir neçə dəfə mətbuat vasitəsilə bildirdi ki, sonadək Cavidin arxasında olacağıq. Onun sənin həyatındakı rolu barədə nə deyə bilərsən?
- Tale Heydərova, onun insanı keyfiyyətlərinə mənim ayrı bir hörmətim, ayrı bir sevgim var. Nümunəvi gəncdir. Bizimlə yaş fərqi çox azdır. Aramızda söhbət edəndə onun mövqeyindən asılı olmayaraq, özünü necə aparmağına həmişə qibtə etmişik. Bilirsiniz ki, mənim başıma gələn hadisələrdən heç kim sığortalanmayıb. Axıra qədər məni dəstəklədiyi, sevgisini, hörmətini göstərdiyi üçün ürəyimdə onun başqa yeri var. Ancaq bunları deyə bilərəm.
- Bu, sənin karyeranda artıq ikinci belə hadisədir. "Bakı"da da buna oxşar halla üzləşmişdin...
- Elə futbolçu var ki, artıq üçüncü dəfədir başına belə hadisə gəlir. Məndə isə ikincidir. Onlara baxanda, hardasa məndə yaxşıdır. "Bakı" da klub olaraq, tam formalaşmışdı. Artıq neçə ildir fəaliyyətini dayandırıb. Bu da adama pis təsir edir. Ancaq "Qəbələ"nin "Bakı"nın aqibətini yaşayacağına inanmıram.
- "Qəbələ"nin fəaliyyətini dayadırmasını heç kim istəməz. Əgər klub növbəti mövsümdə iddiasını itirsə, hansı addımı atacaqsan?
- Belə bir şey olsa, yəqin ki, ən sonda klubun vitse-prezidenti Fariz Nəcəfovla danışaram.
Elnur SALAHOV
"Sabah"ın U-13 komandası İtaliyaya yollanır
Saatlıda 4 qol vuruldu - Video
"Qarabağ"a qarşı bu dəfə fərqli çıxış etmək istəyirik"
Tonali mərc oyunlarında 50 qayda pozuntusunda ittiham olunur
Liderdən "İrəvan"a 3 cavabsız qol - Video
"Karvan" xal itirdi, "Araz Saatlı"dan darmadağın
Misli Premyer Liqasında 4 oyunun hakimləri bilindi
Dani Alveş ziyafət təşkil etdi
"Bavariya"ya rədd cavabı verdi
"Napoli" Xviça ilə yeni müqavilə imzalayır
"Neftçi"nin sabiq futbolçusu "Molde"də
"Bayer" hazırda dünyanın ən güclü komandasıdır”
"Neftçi" "Qəbələ" ilə oyuna itkilərlə çıxacaq
"Borussiya" Terziçin qarşısına şərtlər qoydu
26 oyunda 31 qol - Video
"Qarabağ" sabah 11-ci çempionluğu rəsmiləşdirə bilər
"Neftçi"nin legionerinin zədəsi sağaldı
Gürcülər çox döşünə döyməsin, biz də monqollara qalib gəldik
Benzia “Puşkaş” mükafatına layiq görülə bilər - Video
Qrizmann qayıtdı
"Real" üç futbolçusu ilə razılaşdı
Xavi jurnalisti məhkəməyə verdi
PSJ-nin iki futbolçusu zədəsini sağaltdı
Ronaldo hakimə etiraz etdi - Şəkil
İngiltərə millisinin üzvü Avro-2024-ü buraxacaq
"Zirə"nin hücumçusu Niger millisində oyuna çıxdı
Virtzin 21 qolu və 31 qol ötürməsi - Video
"Tottenhem" "Bavariya" ilə qarşılaşacaq
Keyn sağaldı
"Borussiya" onunla peşəkar müqavilə imzaladı
"Barselona"nın apellyasiya şikayəti rədd edildi
Mahir Emreli irqçiliyə qarşı kampaniyaya dəstək verdi
1-ci liqada daha 3 turun oyunlarının saatı müəyyənləşdi
Messi: “Dünya çempionu olmasaydım, millini tərk edəcəkdim”
“Azərlotereya”nın yeni 4 oyunu Misli.az-da
Azərbaycan millisi İrəvana getməkdən imtina etdi
Bölgə komandası çempionatdan kənarlaşdırıldı
AFFA məşqçini futboldan uzaqlaşdırıb
"Şəmkir"in futbolçusundan gözəl qol - Video
ABŞ klubu Jiru ilə razılıq əldə etdi
1-ci liqada 20-ci turun oyunlarının saatı bilindi