16.11.18
"Qəbələ"nin qış hazırlıq planında dəyişiklik baş verib.
Qol.Az-ın "Report"a istinadən verdiyi məlumata görə, "qırmızı-qaralar" Türkiyənin Antalya bölgəsindəki təlim-məşq toplanışını erkən başa vurub.
Toplanış əvvəlcədən nəzərdə tutulduğu kimi, yanvarın 27-də yox, ötən gün yekunlaşıb. Ukrayna "Dnepr"i ilə son yoxlama oyunundan sonra "Qəbələ" Antalyadan İstanbula, oradan isə Gəncəyə uçub. Komanda üzvləri yanvarın 30-da "Kəpəz"lə keçirəcəkləri Azərbaycan Premyer Liqasının XIX turunun hazırlıqlarını ölkədə davam etdirəcəklər.
Komandada baxışda olan Pavel Paşayev barədə isə hələ qərar verilməyib. Baş məşqçi Roman Qriqorçuk hər 3 yoxlama matçında sınadığı Azərbaycan millisinin Ukraynada doğulmuş üzvünün qalıb-qalmamasına dair fikrini Azərbaycanda açıqlayacaq.
Qeyd edək ki, "Qəbələ" Antalya toplanışında 3 oyun keçirib. Almaniya "Osnabrük"ü ilə 1:1 hesablı heç-heçə edən "qırmızı-qaralar" İsveçrə "Sürix"ini darmadağın edib - 4:0. Son qarşılaşmada isə "Dnepr" sevinib - 1:0. "Qırmızı-qaralar"ın da qayıdışından sonra Antalyada Azərbaycan komandası qalmayıb.
Avroliqada pley-off günü
İtaliya da İnfantinoya üz çevirdi
Çempionlar Liqasının püşkatmasında yeni qayda
"Lion" - "Fənərbaxça" matçının heyətləri açıqlandı
“Mançester Yunayted” formalarını dəyişməli oldu
“Ayaks”la vidalaşdı, Belçikaya gedir
UEFA dünya çempionatı ilə bağlı qərarını dəyişir
Azərbaycan millisi Belçikaya məğlub oldu
“Qalatasaray” onu hədəfə aldı
FİFA referisi Elçin Məsiyevə növbəti təyinat
“Məsələ pulda deyil” - Alvareslə bağlı açıqlama
"Bütün diqqətimiz “Qarabağ”a qarşı oyundadır"
Ronaldo fasilədə niyə oyundan çıxarıldı?
