19:54
"Qəbələ"nin müdafiəçisi Məhəmməd Mirzəbəyov Avropa Liqasının qrup mərhələsinin 5-ci turu çərçivəsində PAOK-la keçiriləcək oyunöncəsi Qol.Az-ın Yunanıstana ezam olunmuş əməkdaşının suallarını cavablandırıb.
- PAOK-la oyuna hazırlıq necə gedir?
- Hər şey yaxşıdır. Futbolçular oyuna hazırdır. Rəqibi yaxşı təhlil etmişik.
- Konkret olaraq rəqib haqda nə bilirsiniz?
- (gülür) Lazım olan hər şeyi öyrənmişik. Rəqibin güclü və zəif cəhətlərini bilirik.
- Səfər görüşündə "Qəbələ"nin qələbə qazanmaq şanslarını necə görürsən?
- Obyektiv danışsaq, qələbə qazanmaq şansımız var. Düzdür, son oyunlarda xal itkisi üzləşdik. Hazırda çətin vəziyyətdəyik. Lakin artıq özümüzü toparlamalı və bu uğursuz tendensiyaya son qoymalıyıq.
- PAOK da son zamanlar uğursuz çıxış edir...
- Belə çıxır ki, hər iki komanda hazırda eyni vəziyyətdədir. Bu futboldur. Belə uğursuzluqlar da ola bilər. Rəqibin oyunlarının videoyazısını izləmişik. PAOK hətta uduzduğu oyunlarda da çox yaxşı futbol nümayiş etdirib. Rəqib çox təhlükəli komandadır. Ona görə də arxayınlaşmaq
olmaz.
- "Qəbələ" artıq uzun müddətdir qələbə qazana bilmir. Bu, komandada hər hansı gərginlik yaratmayıb?
- Təbii ki, bu, heç də xoş hal deyil. Ancaq vəziyyəti dəyişmək üçün əlimizdən gələni edəcəyik.
- Komandanın qrupdan çıxmaq şanslarını necə dəyərləndirirsən?
- Bəli, şansımız hələ də var. Bunun üçün həm PAOK-a, həm də "Krasnodar"a qalib gəlməliyik. Amma artıq hər şey özümüzdən asılı deyil. Qrupdan çıxmağımız üçün "Krasnodar" evdə Dortmund "Borussiya"sına uduzmalıdır.
Vüsal HÜSEYN, Saloniki
"Real"a keçə bilər
Messi zədələnib?
Haalanddan daha bir uğur
"Kəpəz"də yeni müqavilə
Nəriman yenə oynamadı
PSJ-nin 2 futbolçusu arasında gərginlik yaşanır - Video
Məhsuldar ötürmələri ilə rekorda imza atdı
"Barselona" müdafiə xəttini onunla gücləndirə bilər
14 ildən sonra Premyer Liqanı tərk etdilər
Azarkeşlərdən Qvardiolaya vida pankartı - Şəkil
"Arsenal"ın futbolçusu yenidən yaşıl meydanlarda
Türkiyə millisinin futbolçusu zədələndi
Azərbaycan güləşçiləri Avropa çempionatında 6 medal qazandı
"Şamaxı"nın legioneri milliyə çağrıldı
"Gələcək haqda heç nə deyə bilmərəm" - Jorj Kaşkilya
"Qarabağ"dan növbəti transfer - Rəsmi
Misli Premyer Liqasında mövsümə yekun vuruldu
