19:30
"Qəbələ"nin hücumçusu Ermin Zets Avropa Liqasının qrup mərhələsinin 5-ci turu çərçivəsində PAOK-la keçiriləcək oyunöncəsi Qol.Az-ın Yunanıstana ezam olunmuş əməkdaşının suallarını cavablandırıb.
- PAOK-la görüşdə komandanın şanslarını necə qiymətləndirirsən?
- Çox ağır oyun olacaq. Qələbə qazanmaq şansımız var. İlk oyunda xarakter göstərdik və yaxşı oynadıq. Düşünürəm ki, cavab görüşündə də belə olacaq.
- Rəqib azarkeşlərin stadionu dolduracağı gözlənilir. Bu sizə problem yaratmayacaq?
- Düşünürəm ki, stadionda yaxşı atmosfer olacaq. PAOK azarkeşləri komandalarını yaxşı dəstəkləyirlər. Ancaq bu, bizə problem yaratmayacaq. Çünki ilk dəfə deyil ki, güclü azarkeş təzyiqi altında oynayacağıq. Daha öncə "Panatinaikos" və "Borussiya" (Dortmund) ilə görüşlərdə daha böyük azarkeş ordusu qarşısında çıxış etmişik.
- Son zamanlar zədə səbəbindən əsas heyətdəki yerini itirmisən...
- Zədələnmişdim və bu səbəbdən 3 həftə yaşıl meydanlardan kənarda qaldım. Belədə əsas heyətə düşmək mənim üçün çətin oldu.
- "Qəbələ"nin az da olsa, qrupdan çıxmaq şansı qalır. Səncə, komanda istəyinə nail ola biləcəkmi?
- Düzdür, şansımız qalır. Ancaq həm PAOK-a, həm də "Krasnodar"a qalib gəlməliyik. Eyni zamanda "Krasnodar"ın "Borussiya" (Dortmund) ilə görüşdən xalsız ayrılmasına ümid etməliyik.
- Komandanın Azərbaycan Premyer Liqasındakı çıxışı haqda nə deyə bilərsən? Çempionluq uğrunda əsas rəqiblərinizdən olan "Qarabağ"la 9 xallıq fərqi aradan qaldıracağınız nə dərəcə inandırıcı görünür?
- Buna inanırıq. "Qəbələ"nin çempion olacağına inamımız böyükdür. Düzdür, son oyunlarda uğurlu nəticələr əldə edə bilmirik. Ancaq mövsüm hələ qabaqdadır. Düşünürəm ki, çempion olmaq üçün böyük şansımız var.
- Sabiq komandan "Balıkəsirspor"la pulla bağlı problem yaranmışdı. Məsələ nə yerdə qaldı?
- (Gülür). Bəli, klubla belə bir problem olub. İnanıram ki, bu məsələni müsbət həll edəcəyik.
- Türkiyə klubu borcunu qaytardı?
- Xeyr, hələ ki, pulumu qaytarmayblar. Lazımi sənədləri UEFA-ya göndərmişəm və oradan cavab gözləyirəm.
Vüsal HÜSEYN, Saloniki
Noyer sıradan çıxdı
Keyn Top-5-də liderdir
Tofiqin rəqibi müəyyənləşdi - Las-Veqasda döyüş olacaq
Premyer Liqa klubu aşağı liqa təmsilçisinə uduzdu
Azarkeşlərin "vəfasızlığından" şikayətləndi
Ramos doğma klubunu alır?
Superliqa klubu baş məşqçisi ilə sağollaşdı
Ronaldo yenidən yaşıl meydanlarda
Millimizin üzvü oynadı, komandası heç-heçə etdi
Kukurella "Finalissima" matçına çıxacaq?
500-cü qolunu vurdu
"Zirə"nin qələbəsindən - Video
Bərbad!..
Klub ağır məğlubiyyətə uğradı, hakimləri şikayət etdi
"Rəqibə qol epizodu vermədik" - Rəşad Sadıqov
“Belə şəraitdə komandanı motivasiya etmək asan deyil”
"Zirə" qalib gəldi, Musa "Qarabağ"a qələbə qazandırdı
“Əliyar onsuz da bizim oyunlarda maraqlı qərarlar verir”
“Qarabağ”ın bərbad meydançadakı çətin qələbəsi - Video
