16.11.18
“Neftçi”nin kapitanı Araz Abdullayev “Bakı” ilə oyundan (0:0) sonra müsahibə verib
- “Bakı” ilə oyunda “Neftçi” 2 xal itirdi. Qarşılaşma haqda nə deyə bilərsən?
- Hər iki komandada bu gün yaxşı oynadı. Meydana qələbə üçün çıxmışdıq. İstəyirdik ki, 3 xal qazanaq. Turnir cədvəlində vəziyyətimizi daha da yaxşılaşdırmaq üçün çalışırdıq. Lakin oyun heç-heçə başa çatdı. Çempionatın artıq sonudur. “Bakı”ya da uğurlar arzulayıram.
- “Bakı”nı məğlub etmək üçün “Neftçi”də nə çatışmadı?
- Axırıncı ötürmələrdə ləng oynayırdıq. Əgər, rəqibin qapısı yaxınlığında daha diqqətli oynasaydıq, lazım olan qolu vura bilərdik.
- Demək olar ki, “Neftçi” hazırda bürünc medalı yox, ölkə kubokunun finalını düşünür?
- Təbii ki. Düzdür, çempionat oyunlarında da uğur qazanmaq istəyirik. Amma əsas fikrimizi kubokun finalına yönəltmişik.
- Son oyunlarda “Neftçi”ni kapitan kimi meydana çıxarırsan. Bu məqam məsuliyyətini artırır?
- Artırır. Amma bunun ciddi fərqi yoxdu. Çünki mən yox, başqası da kapitan ola bilərdi. Hər zaman komandanın uğuru üçün çalışmışam. Bundan sonra da “Neftçi”nin irəli getməsi üçün əlimdən gələni edəcəyəm.
- Milli komandamızın baş məşqçisi Robert Prosineçki yığmanın heyətini açıqladı. Siyahıda sənin də adın var...
- Prosineçkiyə dəvətə görə təşəkkür edirəm. Məni milliyə layiq bilib, çağırıb. Mən də çalışacağam ki, əlimdən gələni edim. Qarşıda millimizi çətin oyunlar gözləyir. Yaxşı nəticə qazanmaq üçün bütün gücümüzü ortaya qoyacağıq.
- Ötən dəfə “Neftçi”dən heç bir futbolçu milliyə çağırılmadı. Bu dəfə Prosineçkidən dəvət gözləyirdin?
- Hə, gözləyirdim. Axır vaxtlar öz üzərimdə çox çalışıram. İnanırdım ki, milliyə çağırılacağam. Dəvətə görə də minnətdaram. Milliyə layiq olduğumu sübuta yetirmək üçün əlmindən gələni edəcəyəm.
Mənbə: Futbolxeber.az
“Qarabağ” avrokuboklarla vidalaşdı
UEFA-dan futbol ruhuna həsr olunan yeni mükafat
“Qarabağ” növbəti transferlərini açıqladı
Acun Ilıcalının komandası yeni oyunçu ilə gücləndi
“Fənərbaxça” və “Qalatasaray” hansı rəqiblərlə qarşılaşacaq?
“Futbolçulara robot kimi yanaşılır”
“Qarabağ” - “Tvente” matçı gec başlayacaq
“Karvan-Yevlax”dan növbəti transfer
"İki dəfə dünya gözümün önündə dayandı"
"Qarabağ" "Tvente" ilə oyuna bu heyətlə çıxır
Azərbaycan millisinin qapıçısı Türkiyə klubunda
"Qarabağ"ın rəqibi futbolçusunu göndərə bilər
"Arsenal"dan ayrılacağı gözlənilir
Ukraynalı vinger rəsmən "Ayaks"da
"Beşiktaş" yeni hücumçu transfer etdi
Prezident İlham Əliyevdən "Sabah"la bağlı - Sərəncam
Barkola PSJ-ni bu kluba dəyişir
“Liverpul” yeni formasını təqdim etdi - Şəkillər
"Qarabağ" dayanmır. 1 gündə 3-cü transfer! - Eksklüziv
