16.11.18
İspaniya millisinin və "Barselona"nın müdafiəçisi Jerar Pike "facebook" sosial şəbəkəsində azarkeşləri ilə söhbət edib.
Qol.Az-ın UEFA-nın rəsmi saytına istinadən verdiyi məlumata görə, təcrübəli futbolçu fanatlarını maraqlandıran sualları cavablandırıb:
- Birgə oynadığın ən yaxşı müdafiəçi?
- Rio Ferdinand ("Mançester Yunayted") və Karles Puyol ("Barselona").
- Əgər futbolçu olmasaydın, hansı idman növünü seçərdin?
- Basketbol və ya tennis.
- Çempionlar Liqasında debüt matçını xatırlayırsan?
- Bəli, ilk dəfə "Fənərbaxça"ya qarşı oynadım. Həmin vaxt 17 yaşım var idi.
- Əsasən müdafiə olunmağı, yoxsa qol vurmağı xoşlayırsan?
- Müdafiə olunmağı. Ancaq təbii ki, qol vurmaq müdafiəçiyə böyük sevinc bəxş edir.
- Hansı hücumçulara qarşı oynamaq sənə hər zaman çətin olub?
- Kriştiano Ronaldo və Didye Droqba.
- Mançesteri hələ də sevirsən?
- Bəli, orada çox gözəl günlər keçirmişəm.
- Necə düşünürsən, "Barselona" cari mövsüm mübarizə apardığı 3 turnirdə də kuboku qazana biləcəkmi?
- Məncə, bu mösüm daha artığını edə bilərik.
- Paltardəyişmə otağında Karles Puyol və Sesk Fabreqas üçün darıxırsan?
- Bəli, çox darıxıram. Onlar üçün kim darıxmaz ki?
- Lionel Messi birgə oynadığın ən yaxşı futbolçudur?
- Əlbəttə.
- Vurduğun ən sevimli qol hansıdır?
- "Santyaqo Bernabeu"da "Real"a 6:2 hesabı ilə qalib gəldiyimiz görüşdə vurduğum qol.
- Uşaqlıqda futbol kumirin kim idi?
- Xristo Stoiçkov və Ronald Kuman.
- "Barselona" ilə bağlı ən yaxşı anın?
- Bir mövsümdə qazandığım üç kubok.
Rodri bu oyunu buraxacaq
“Mənfi hadisələrdən də nəticə çıxarmaq mümkündür”
"Turan" voleybol klubundan ÇL-də növbəti qələbə
“Türkiyədə oynamaq həmişə çətindir” - Andoni İraola
Baş məşqçidən sonra o da klubdan getdi
“Liverpul” İstanbul səfərinə itki ilə yollanır
"Qalatasaray" - "Ştutqart" matçının heyətləri açıqlandı
“Bavariya” ilə matçı buraxacaqlar
“Arsenal”dan ayrıla bilər
Asiya Kubokunun da keçirilmə vaxtı dəyişdirildi
Azərbaycan millisinin rəqibləri bilindi
Okan Buruk “Ştutqart”la matçın planını açıqladı
