16.11.18
“Qəbələ”nin yarımmüdafiəçisi Aleksey Qay Futbolxeber.az saytına müsahibə verib.
Azərbaycan Premyer Liqasının 21-ci turunda “Simurq”dan aldığınız 0:2 hesablı məğlubiyyətin səbəbini nədə görürsən?
- “Simurq”a uduzacağımızı gözləmirdim. 2 fərqli hissə izlədik. Oyuna çox pis başladıq, ardıcıl 2 qol buraxdıq. Fasilədən sonra daha yaxşı oynadıq. Üstünlüyə yiyələndik. Amma rəqib qapısına yol tapa bilmədik. İrəli baxmaq lazımdır. Futbol kollektiv oyundur. Hamı uğur üçün bütün gücünü meydanda qoymalıdır.
- “Simurq”dan öncə AZAL-a da uduzmuşdunuz...
- Əsas odur ki, məğlubiyyətlərdən nəticə çıxaraq. Yeni kollektiv qurulur. Daha çox anlaşma, özünəinam lazımdır. Ürəkdən çalışmaqla uğursuzluğa son qoya bilərik.
- Hakimin penalti və qırmızı vərəqə qərarını haqlı sayırsan?
- Hakimlərin işini qiymətləndirmək istəmirəm. Heç bir komanda penalti və qırmızı vərəqədən razı qala bilməz. Amma bunu hakimin vicdanına buraxıram.
- Zaqatala stadionunun ot örtüyü sünidir. Bu məqam çıxışınıza təsir etdi?
- Ciddi təsir göstərdiyini düşünmürəm. Şərait hamı üçün eyni idi. Əsas odur ki, meydança düz idi, kələ-kötür yox.
- Oyunun gedişində komanda yoldaşların - Cavid Hüseynovla Mixail Sivakovun mübahisə etməsinə münasibətin necədir?
- Bu, yaxşı hal deyil. Lakin komanda yoldaşlarım arasında olan belə hadisə kollektivdə qalmalıdır. Məsələni öz aramızda aydınlaşdırdıq. Belə hadisə bir daha təkrarlanmayacaq.
- Qarşıdakı turda “Neftçi” ilə qarşılaşacaqsınız. Ardıcıl xal itkilərini nəzərə alsaq, bu oyunu müəyyən mənada “Qəbələ” üçün həlledici hesab etmək olar?
- Bu oyuna həlledici deməzdim. Əsas odur ki, oyunumuzun keyfiyyətini artıraq. Bu halda nəticə özü gələcək.
Avropanın rəmzi komandasında kimlər var?
Ən yaxşılar bəlli oldu: "Bavariya", "Arsenal"...
"Benfika"dan "Barselona"ya keçidi çətinləşdi
Salah qol vurdu, Misir millisi liderliyə yüksəldi
Levandovski ərəb klubuna gedir?
Fransa millisinin sabiq məşqçisi vəfat etdi
“Beşiktaş” 2 futbolçusunu heyətdən kənarlaşdırdı
"Liverpul" İsakın əvəzləyicisini axtarır
Baş məşqçi klubu tərk etməyə hazırlaşır
Ülvi Babayev klubunu dəyişir
Pelleqrini sıradan çıxdı
Komandası məğlub oldu, özü də ağır cəza aldı
"Real"ın "Santyaqo Bernabeu" ilə bağlı hədəfi
"Roma" yeni stadionunun planını təqdim etdi - Şəkil
AFFA üç klub rəsmisini futboldan uzaqlaşdırdı
Dembele ilin idmançısı seçildi
