16.11.18
Azərbaycan millisinin baş məşqçisi Robert Prosineçki ilə görüş üçün Bakıya gələn "Qranada"nın futbolçusu Eddi İsrafilov AFFA-nın rəsmi saytına müsahibə verib.
- Yenidən Azərbaycandasan. Hans hissləri keçirirsən?
- Çox sevinirəm ki, yenidən vətənimə qayıtmışam. Sonuncu dəfə 12 yaşımda Azərbaycanda olmuşam. Ötən illərlə müqayisədə Bakı çox dəyişib, gözəlləşib. Məni və ailəmi yüksək səviyyədə qarşıladığınıza, qəbul etdiyinizə görə təşəkkür edirəm.
- Bura gəlməzdən əvvəl Azərbaycan futbolu haqda nə bilirdin?
- Dediyim kimi, sonuncu dəfə 10 il əvvəl burada olmuşam. Ona görə elə geniş məlumatım yox idi. Lakin Azərbaycan millisindən təklif aldıqdan sonra internet vasitəsilə informasiya topladım. Bir çox oyunların epizodlarına baxdım, Azərbaycan çempionatı haqda məlumat əldə etdim. Əlbəttə, qarşıdakı günlərdə daha çox məlumatım olacaq.
- Sənin Azərbaycan milli komandasında oynamağa razılıq verməyin burada birmənalı qarşılanmadı. Necə oldu ki, təklif aldın?
- Təxminan ilyarım əvvəl AFFA rəsmiləri anamla əlaqə yaratdılar, daha sonra mənimlə danışdılar. Əlbəttə, mən çox sevindim. Çox şad oldum ki, məni milli komandada oynamağa dəvət edirlər. Gördüyünüz kimi, artıq Azərbaycandayam.
- Sənə böyük ümidlər bəsləyən futbolsevərlərə nə demək istərdin?
- Azərbaycan milli komandasının uğurlu çıxış etməsi üçün əlimdən gələni əsirgəməyəcəm. Milli komandanın baş məşqçisi Robert Prosineçki ilə yaxşı münasibətim var. Bir-birimizi yaxşı başa düşəcəyik. Azarkeşlərin və baş məşqçinin mənə olan ümidini doğrultmağa çalışacağam. Milli komandanın formasını geyinəcəyim günü səbirsizliklə gözləyirəm.
- Son oyunlarda "Qranada"nın heyətində zədəli olduğun üçün meydana çıxmadın. İndi özünü necə hiss edirsən?
- Düzdür, zədəli olduğum üçün son oyunlarda komandama kömək edə bilmədim. Artıq zədəm sağalıb. Komanda ilə birgə məşqlərə başlamışam. Baş məşqçi şans verəcəyi təqdirdə növbəti qarşılaşmada oynaya biləcəm. Özümü hazır hiss edirəm.
Messi Peleyə çatdı
Messi dubl etdi
“Fənərbaxça” xal itirdi
"Məcbur deyilik ki, hər il çempion olaq" - Qurban Qurbanov
Klubun heç bir futbolçusu 3 qol vurmayıb
"Qarabağ"ın təcrübəsi öz sözünü dedi" - Valdas Dambrauskas
Salahın qolsuzluq seriyası davam edir
“Ona dedim ki, üzr istəmək lazımdır” - Qurban Qurbanov
“Qarabağ”dan əla geridönüş - Video
Baş məşqçi qırmızı vərəqə aldı, apelyasiyaya şikayət etdi
“Tofiq Bəhramov”dakı gərginliyin səbəbi müəyyənləşdi
"Qarabağ" - "Sabah" oyununda qalmaqal - Video
“Qarabağ” - “Sabah”: Möhtəşəm oyun, 6 qol
Finalissima matçı da baş tutmayacaq?
“Turan Tovuz” - “İmişli” matçından - Video
Millimizin üzvü oynadı, komandası qalib gəldi
"Rəqib qapımıza zərbə vura bilmədi” - Kurban Berdiyev
