"Qarabağ" UEFA reytinqində irəlilədi

"Qarabağ" UEFA reytinqində irəlilədi
GÜNDƏM 15 Dekabr 2014 / 13:47 12224
-  A +

UEFA klubların növbəti reytinq siyahısını açıqlayıb.

Qol.Az-ın qurumun saytına istinadən yaydığı xəbərə görə, 454 komandanın yer aldığı siyahıda Azərbaycan 7 klubla təmsil olunub.

Avropa Liqasının qrup mərhələsini üçüncü pillədə başa vuran “Qarabağ” klubu reytinqdə 10 pillə irəliləyib. Ağdam təmsilçisi son 5 mövsümün nəticələrinə görə 11.500 xalla 148-ci, cari mövsümkü çıxışına görə isə 66-cıdır.

Son Azərbaycan kubokunun qalibi “Neftçi” klubunun mövqeyində dəyişiklik olmayıb. "Ağ qaralar" 9.000 xalla 179-cu pillədə qərarlaşıb.

Ümumilikdə avrokuboklarda son beş mövsümün (2010/11, 2011/12, 2012/13, 2013/14 və 2014/15) nəticələrinə əsasən hazırlanan siyahıda komandalarımızın mövqeyi aşağıdakı kimidir:

 

148. “Qarabağ” (+10)
179. “Neftçi” (0)
269. “İnter” (+2)
296. “Xəzər Lənkəran” (+2)
331. “Bakı” (+7)
358. “Qəbələ” (+1)
359. AZAL (+3)

Reytinq cədvəlinə yenə də Çempionlar Liqasının son qalibi “Real” (Madrid) klubu başçılıq edir. “Barselona” ikinci, “Bavariya” isə üçüncü yerdədir.

Qeyd edək ki, ölkələrin reytinqində isə Azərbaycanın mövqeyində dəyişiklik baş verməyib. "Qarabağ"ın "İnter"lə heç-heçəsindən sonra xalını 12.500-ə çatdıran ölkəmiz reytinqdə 29-cudur.

Daha çox


Son xəbərlər
03.05.24  17:16

Bir dövrün sonu

02.05.24  20:40

Avro-2024-ü buraxacaq