02.11.24
"Bakı" klubunun yarımmüdafiəçisi Əfran İsmayılovun Qol.Az saytına müsahibəsi
- Komandanız təlim-məşq toplanışından sonra ilk oyununu keçirdi. "Rəvan"la qarşılaşmada böyük hesabla qalib gəldiniz. Bu oyunda hazırlığın nəticəsini nə dərəcədə hiss etdiniz?
- Bu təlim-məşq toplanışımız tam fərqli və yaxşı şəkildə keçdi. İlk dəfə İspaniyada olduq. Həqiqətən orada keçirdiyimiz yoxlama oyunları, fiziki məşqlər bizi xeyli gücləndirdi. İlk oyunumuz "Rəvan"a qarşı oldu. Özünüz də gördünüz ki, komandamız əla formadadır. Şükürlər olsun ki, "Rəvan"ın qapısından 5 qol keçirib, qalib gəldik.
- "Rəvan" üzərində 5:1 hesablı qələbə "Bakı"nın çempionatın ikinci yarısına tam hazır olmağından xəbər verir, yoxsa rəqib elə də güclü deyildi?
- "Rəvan"a mövsümün əvvəlində də 5 qolla qalib gəlmişdik. Təbii ki, "Rəvan" üzərində olsa belə, qələbə həmişə xoşdur. Deməzdim ki, qış fasiləsindən sonrakı ilk turda bütün komandaların gücü ortaya çıxdı. Baxaq görək, bu tempi neçə tur davam etdirmək olar.
- Baş məşqçi adını 18-liyə daxil etsə də, səni meydanda görmədik.
- Əslində zədəm tam sağalmayıb. Ancaq ehtiyat üçün adım 18-liyə salınmışdı. İstəyirəm tam sağaldıqdan sonra oyuna çıxım. Çünki bir dəfə "Qarabağ"la oyunda zədəli halda meydana çıxdım və bunun acısın çəkdim. Yenidən həmin vəziyyətə düşməmək üçün hələ gözləməliyəm.
- "Simurq"la oyunda meydana çıxa bilərsən?
- İstərdim ki, hazır olsam da, hələlik özümü qoruyum. Çünki bizi qarşıdakı turlarda çox çətin qarşılaşmalar gözləyir. Həmin matçlarda komandama kömək etməliyəm.
- Bütün klublarımızdan fərqli olaraq "Bakı" qış fasiləsində yeni transfer etmədi...
- Yəqin ki, baş məşqçinin özünün planları var. Düzdür, heyətimiz genişdir. Ancaq biz də istəyirdik ki, komanda yeni oyunçularla güclənsin. Futbolçunun sayı nə qədər çox olsa, o qədər də güclü rəqəbt olar və nəticədə komanda qazanar. Ancaq transferlər edilmədi. Bununla belə biz yenə çox şeyə qadirik.
- Yeni transfer olunmadı, üstəlik Kamran Ağayev və Mindauqas Kalonas kimi futbolçular komandadan göndərildi. Buna münasibətin necədir?
- Mən də Kamranın komandadan ayrılmasına təəssüfləndim. Bu xəbəri İspaniyada olanda eşitdim. Kamranın özü ilə bunun səbəbi haqda danışmaq istədim, ancaq əlaqə yarada bilmədim. Düzü, onun niyə transferə çıxarılması haqda dəqiq məlumatım yoxdur.
- Onun intizamsızlıq etdiyi iddia olunur.
- Mən də bunu eşitmişəm. Ancaq Kamran həmişə mənimlə birlikdə olub. İndiyədək ondan bir intizamsız hərəkət görməmişəm. Yəqin ki, Kamran üçün yeni klubunda hər şey yaxşı olacaq. Çünki "Qəbələ" də çox yaxşı komandadır və Kamran ora getməklə heç nə itirməyəcək, əksinə daha da artıracaq.
- "Bakı"nın hazırkı heyəti "Qarabağ", "Qəbələ" və "Neftçi" kimi komandalarla mübarizəyə qadirdir?
- Həmin komandaların yaxşı heyəti var. Ancaq biz də fərdi keyfiyyətləri yüksək olan futbolçulardan təşkil olunmuş komandayıq. Qarşımıza qoyduğumuz əsas məqsəd avrokuboklara vəsiqə qazanmaqdır. "Bakı" bu il ən azı avrokuboklarda çıxış etməlidir. Təbii ki, çempionluq da hər bir komandanın arzusudur. Ancaq real danışmaq lazımdır. Bizə Çempionlar Liqası haqda düşünmək tezdir. İndi əsas hədəfimiz Avropa Liqasıdır.
Ramiq AĞAMƏMMƏDOV
_22.01.19.jpg)
30 yaşdan sonra 450 qol
Nistelroy Premyer Liqaya qayıdır?
Kimpembe 638 gündən sonra geri dönür
Ronaldodan dubl, "Əl-Nəsr"dən qələbə
"Vəzifəmizin öhdəsindən gəldik" - Anton Krivotsyuk
"Qalatasaray"ın futbolçusu 1 ay oynamayacaq
Əvəzedicilər liqasında 14-cü tura yekun vuruldu
Əməliyyat olunan kapitan məşqlərə başladı
AFFA rəsmisi mübahisəli epizodları şərh etdi
Kurban Berdıyev "Turan Tovuz-2"in oyununu izlədi - Şəkillər
“Sabah”a yeni baş məşqçi təyin olundu - Rəsmi+Şəkillər
2-ci liqada 7 oyunun hakimləri bilindi
"Qarabağ" - "Lion" oyununa satılan biletlərin sayı açıqlandı
Amorim: "Mançester Yunayted" uzun müddət əziyyət çəkəcək"
"Real"da şok itki
Tanınmış komanda azarkeşlərinin hücumuna məruz qaldı - Video
"Klubdan yeni təklif almamışam, çox məyusam"
"Sabah"ın yeni baş məşqçisi bu əcnəbi olacaq?
Millimizin Rusiya ilə oyunlar üçün heyəti
"Sabah" baş məşqçisini istefaya göndərdi
Simeone gedəcək, yoxsa qalacaq? - Açıqlama
Kuper istefaya göndərildi
MEDİA müsabiqə elan edib
Vaqif Cavadov təəccübləndirir
Coşqun Diniyev liderə qarşı oynadı
Kazemiro "Real"ın təklifini rədd etdi
