"Qəbələ"nin əsas rəqibi "Qarabağ"dır"
"Qəbələ" klubunun yeni transferi Ruslan Tağızadənin Qol.Az saytına müsahibəsi
- Necə oldu ki, AZAL-dan "Qəbələ"yə keçdin?
- Hələ yaydan mən "Qəbələ"də oynamaq stəyirdim. Sadəcə bəzi səbəblərdən alınmadı. Dekabrda yenidən mənə təklif gəldi. AZAL klubuna təşəkkür edirəm ki, mənim keçidim üçün problem yaratmadı.
- Başqa klublardan da sənə təklif gəlmişdi. Sonda niyə məhz "Qəbələ"ni seçdin?
- "Qəbələ" mənimlə maraqlanırdı. Bir qədər götür-qoy etdikdən sonra bu kluba keçməyə razılaşdım. Düzdü, başqa klublardan da təklif var idi. Ancaq mən "Qəbələ"ni üstün tutdum. Çünki burada futbolçu üçün hər bir şərait yaradılıb. Rəhbərlik futbolçuların qayğısına qalır. Həm də bu komandanın məqsədini bilirəm. "Qəbələ" bu mövsüm çempion olmağı qarşıya məqsəd qoyub. "Qəbələ"nin oyun üslubu çox xoşuma gəlir. Həm də Yuri Syomin kimi baş məşqçi mənimlə maraqlanırsa, bu təklifi dəyərləndirməli idim.
- Digər təklif aldığın klubların adını çəkə bilərsən?
- Adlarını çəkmək istəmirəm. Hər ikisi çempionluğa oynayan komandadır. Ancaq mən uzun müddətdir ki, "Qəbələ"də oynamaq istəyirdim.
- Qeyd etdin ki, Yuri Syomin kimi bir mütəxəssis sənin xidmətində maraqlı olub. Onun etimadını doğrultmaq da asan deyil...
- Düzdü, belə bir məşqçi ilə işləmək çətin olacaq. Başımı aşağı salıb məşqimi etsəm, öz oyunumu sərgiləyə bilsəm, çətin olmayacaq. İnşallah öhdəsindən gələrəm.
- Müdafiəçi kimi "Qəbələ"nin müdafiə xətti haqda nə deyə bilərsən? Rəqabətdə qalib gələ biləcəksən?
- Rəqabətdən qorxsaydım, "Qəbələ"yə transfer olunmazdım. Çox sevinirəm ki, "Qəbələ"nin müdafiə xəttində güclü futbolçular var. Elə bu rəqabət üçün "Qəbələ"yə gəlmişəm. Hansı komandaya nə üçün gəldiyimi yaxşı bilirəm.
- Komandanı tərk etməyin AZAl tərəfindən necə qarşılandı?
- May ayına qədər AZAL-la müqaviləm var idi. klublar arısında danışıq oldu. Qarşılıqlı razılma əsasında müqaviləyə xitam verildi, komanda ilə halallaşdım. Vaqif Sadıqova da təşəkkürümü bildirirəm ki, "Qəbələ"yə keçidim üçün hə cürşərait yaratdı. Vaqif müəllim mənim ürərimdə əziyyəti çox olub, həmişə mənə dəstək olub. Onu da demək istəyirəm ki, "Qəbələ"yə keçidimə görə AZAL müəyyən miqdarda gəlir əldə etdi.
- "Qəbələ"yə keçdiyin üçün 2013-cü ili özün üçün uğurlu hesab edirsən?
- Bu il mənim üçün çox uğurlu keçdi. AZAL-da bir neçə qol vurdum, məhsuldar ötürmələr verdim. Yaxşı oyunlarımla bir çox komandanın marağına səbəb oldum. Sadəcə son aylar mənim çətin keçdi. "Simurq"la oyundan ayağımdan ciddi zədə aldım. "Qəbələ"yə transfer olmağım isə lap yerinə düşdü.
- Yeni komandan çempionluq uğrunda mübarizədə özünə əsas rəqib kimi hansı komandanı görür?
- "Qəbələ"nin bu gün ən çox rəqabət apardığı komanda "Qarabağ"dır. Bu mövsümün "Qəbələ"nin "Qarabağ"a iki dəfə məğlub olduğu üçün belə düşünmürəm. Ümumiyyətlə "Qarabağ" göstərdiyi oyun onu deməyə əsas verir ki, çempionluq uğrunda əsas rəqibimiz "Qarabağ"dır.
Ramiq AĞAMƏMMƏDOV
_22.01.19.jpg)
