19.12.25
“Xəzər Lənkəran” klubunun vitse-prezidenti Tuyğun Nadirovun Qol.Az saytına müsahibəsi
- Baş məşqçiniz Karles Bakesin gedişindən sonra komandada ab-hava necədir?
- “Rəvan”la oyunda komandamız 2:1 hesabıyla qalib gəldi. Bu da onu göstərir ki, futbolçular özünəinamı bərpa ediblər. Yeni baş məşqçi gələnə kimi komandamızı oyuna kökləmək Emin Quliyevin üzərinə düşür. O da əlindən gələni edir ki, ən azından rəhbərliyi altında komandamız məğlub olmasın.
- Yeri gəlmişkən Emin Quliyev artıq neçə ildir ki, klubdadır. Komandanın oyununa yaxşı bələddir. Onun baş məşqçi olması mümkündür?
- Emin Quliyevin komandamızın uğurlarında həm futbolçu, həm də məşqçi kimi böyük əməyi olub. Ancaq bilirsiniz ki, onun məşqçilik karyerası heç bir il deyil. İndi olmasa da, gələcəkdə bu məsələyə baxa bilərik. Gələn il klubumuzun on illiyidir. Bu gündən artıq onu düşünürük ki, yubileyimizə qədər komandanı yüksək səviyyəyə qaldıraq. Bunun üçün bizə yüksək qabliyyətli, təcrübəli baş məşqçi lazımdır. Təkcə yaxşı baş məşqçi yox, ən azı çempionluq yaşamış, nailiyyətləri olan bir mütəxəssis gətirmək fikrimiz var.
- Yeni baş məşqçinin gəlişi nə vaxta nəzərdə tutulub?
- Milli komandamızın oyunları vaxtı çempionatda yaranan fasilədə yeni baş məşqçini gətirmək istəyirik.
- Yerli, yoxsa əcnəbi baş məşqçi gətirməyi düşünürsünüz?
- Bu, klubun prezidenti səviyyəsində həll olunan məsələdir. Konkret fikir yoxdur ki, ya ancaq yerli, ya da ancaq əcnəbi olmalıdır. Lakin 80-90 faiz əcnəbi olacağı gözlənilir. Hazırda yalnız əcnəbi məşqçilərlə danışıqlar gedir.
- Bilmək olar, bu hansı ölkələrin nümayəndələridir?
- Hələlik danışıqlar gedir. İşlər tamamlanmayana qədər bu haqda açıqlama vermək istəmirik.
- Yeni baş məşqçinin qarşısına əsas məqsəd kimi nə qoyulacaq?
- İlk növbədə Azərbaycan kubokunu qazanmaq. Ümid edirik ilk “altılığ”a düşəcəyik. Belə olan halda ilk “altılıq” oyunlarında uğurlu çıxış etmək də komandamızın əsas məqsədidir.
- Son vaxtlar belə bir xəbər yayılıb ki, “Xəzər Lənkəran” ilk “altılığ”a düşmək məqsədilə “Bakı”ya qalib gəlməsi üçün “Rəvan”ı stimullaşdıracaq. Bu xəbərə münasibətiniz necədir?
-“Rəvan” Azərbaycanın yaxşı maliyyələşən klubudur. Bu komandanın əlavə stimula ehtiyacı yoxdur. “Rəvan” bu il çempionatda çıxışı ilə göstərib ki, istənilən komandadan xal almağı bacarır. “Xəzər Lənkəran” kimi bu komanda da dəfələrlə hakim qərəziylə üzləşib. Biz ilk növbədə öz oyunumuzla ilk “altılığ”a düşmək istəyirik. Desək ki, biz “Bakı”nın qələbəsin istəyirik, bu, qeyri-səmimi olar. Təbii ki, “Rəvan”ın qalib gəlməyin istəyirik. Ancaq bu o demək deyil ki, biz kimisə stimullaşdırmışıq. Bu xəbərlər yalandır. Yenə deyirəm, “Rəvan”ın maliiyyə potensialı kifayət qədərdir. Onların heç nəyə ehtiyacı yoxdur.
Ramiq AĞAMƏMMƏDOV
PSV-dən yeni rekord
PSJ-dən rekord göstərici
Yamal, Haaland, Keyn...
Start heyət üzü görməyən Mayno klubdan ayrılmağa hazırlaşır
"Qarabağ"ın rəqibi "Hamburq"la heç-heçəyə razılaşdı
Tiaqo Silvanın yeni klubu bəlli oldu
"Mançester Siti" liderliyə yüksəldi
"Fənərbaxça" səfərdə inamlı qələbə qazandı
“Zirə” - “İmişli” matçından - Video
Ronaldodan 122 oyun az oynadı, onun uğurunu təkrarladı
Flik "Barselona" ilə müqaviləni uzadacaq?
"Hədəfimiz bir xal idi, buna da nail olduq" - Jorj Kaşkilya
"Çelsi" və "Nyukasl" xalları bölüşdü
"Neftçi"dən qələbə, "Zirə" "İmişli" ilə heç-heçə etdi
"Barselona"nın baş məşqçisindən sərt reaksiya
"Neftçi" Yevlaxdan 3 xalla qayıtdı - Video
Premyer Liqada ayın qolunun qalibi mükafatlandırıldı
Bundesliqa futbolçusu İngiltərə klublarının hədəfində
"Daha çox qol vurmalı idik" - Yuri Vernidub
Xabi Alonso: "Nəticələr mövsümün sonunda məlum olacaq"
FİFA "Əl-Nəsr"ə transfer qadağası qoydu
"Zirə" - "İmişli": Heyətlər
