19.12.25
AZAL-ın baş məşqçisi Vaqif Sadıqovun Qol.Az saytına müsahibəsi
- Martın 3-də Premyer Liqada təsnifat mərhələsinin son turudur. Komandanızın ilk “altılığ”a düşməsi üçün “Xəzər Lənkəran” və “Bakı”nın xal itirməsi vacibdir. Bu oyunlarda hansısa sensassiya gözləyirsiniz?
- Sensasiya niyə olmalıdır ki? Sensasiya ona deyirlər ki, AZAL 6-cı turda birinci yerdəydi, indi isə “altılığ”a düşməkdən danışır. Futbolda hər bir nəticə olur. Çoxları deyir ki, şans bizim əlimizdə deyil. Ancaq mən hesab edirəm ki, ilk növbədə hər şey elə bizdən asılıdır. “Qəbələ”ni məğlub etməliyik ki, şansımız qalsın. Təbii ki, “Bakı” və “Xəzər Lənkəran”ın oyunundan sonra da ilk “altılıq” bəlli olacaq. Ən vacibi odur ki, “altılığ”a ədalətli oyun oynayan komanda düşsün.
- Nəticələri bir kənara qoyaq. Ümumiyyətlə, bu mövsüm istədiyiniz komandanı formalaşdıra bildiniz? Nəzərə alaq ki, AZAL-da əsas işinizə bu mövsüm başlamısınız.
- Siz hazırda digər klublarla sorğu aparsanız, onlar bizi güclü rəqib kimi qəbul etdiklərini deyəcəklər. AZAL öz dəsti-xətti olan komandadır. Altı ay ərzində istədiyin komandanı formalaşdırmaq çox çətindir. Amma ən vacib odur ki, klub rəhbərliyindən mənə və futbolçulara dəstək, inam böyükdür. Bunların olandan sonra biz tezliklə güclü AZAL komandasını yaradacağıq.
- Premyer Liqada güclü rəqabət var. Bu mənada, AZAL ilk “altılığa”a düşməsə, bunu komanda üçün uğursuz hesab etmək olar?
- Bəli. Çünki mən məqsəd qoymuşdum ki, AZAL mütləq altılığa düşməlidir. Ona görə bu baş verməsə, bunu uğursuzluq kimi qəbul edəcəyik. Biz bu gün bir addım geri atırıqsa, onun əvəzində gələcəkdə iki addım qabağa atmalı olacağıq.
- Hazırda mediada çox tənqid olunursunuz. Buna münasibətiniz necədir?
- AZAL-ı təkləyiblər, zəif görüblər. Ona görə deyirəm, bilsinlər ki, AZAL-ın güclü kollektivi, rəhbəri və güclü məşqçisi var. Ən vacibi də odur ki, bizim heç kimə ehtiyacımız yoxdur. Ona görə nə edirlər, özləri bilərlər.
- Aqil Nəbiyev AZAL-dan “Bakı”ya keçdikdən sonra bir neçə matçda əsas heyətdə yer alıb və hətta qol da vurub. Son açıqlamalar birində o bildirib ki, sizinlə problemləri olduğu üçün AZAL-dan ayrılıb.
- Mənim heç kimlə problemim yoxdur. Aqil Nəbiyev bundan da sonra da klublara qol vurmağa davam eləsin. Buna yalnız sevinərəm.
Aysel BƏXTİYARLI
PSV-dən yeni rekord
PSJ-dən rekord göstərici
Yamal, Haaland, Keyn...
Start heyət üzü görməyən Mayno klubdan ayrılmağa hazırlaşır
"Qarabağ"ın rəqibi "Hamburq"la heç-heçəyə razılaşdı
Tiaqo Silvanın yeni klubu bəlli oldu
"Mançester Siti" liderliyə yüksəldi
"Fənərbaxça" səfərdə inamlı qələbə qazandı
“Zirə” - “İmişli” matçından - Video
Ronaldodan 122 oyun az oynadı, onun uğurunu təkrarladı
Flik "Barselona" ilə müqaviləni uzadacaq?
"Hədəfimiz bir xal idi, buna da nail olduq" - Jorj Kaşkilya
"Çelsi" və "Nyukasl" xalları bölüşdü
"Neftçi"dən qələbə, "Zirə" "İmişli" ilə heç-heçə etdi
"Barselona"nın baş məşqçisindən sərt reaksiya
"Neftçi" Yevlaxdan 3 xalla qayıtdı - Video
Premyer Liqada ayın qolunun qalibi mükafatlandırıldı
Bundesliqa futbolçusu İngiltərə klublarının hədəfində
"Daha çox qol vurmalı idik" - Yuri Vernidub
Xabi Alonso: "Nəticələr mövsümün sonunda məlum olacaq"
FİFA "Əl-Nəsr"ə transfer qadağası qoydu
"Zirə" - "İmişli": Heyətlər
