Mirça Rednik - 100

Mirça Rednik - 100
GÜNDƏM 29 Noyabr 2011 / 11:18 2787
-  A +

“Xəzər Lənkəran” indiki baş məşqçisi Mirça Rednikin rəhbərliyi altında topladığı xalların sayını 100-ə çatdırıb. Qol.Az-ın klubun rəsmi saytına istinadən məlumatına görə, bu, Premyer Liqanın XIV turunun “Simurq”la oyununda gerçəkləşib.

Zaqatala səfərindən 2:2 hesablı heç-heçə ilə dönüb aktivinə 1 xal yazan komanda rumıniyalının başçılığı altında 54-cü oyununu keçirib. Bu görüşlərdə 27 qələbəsi olan “Xəzər Lənkəran” 19 dəfə 1 xalla kifayətlənib. Azərbaycana gələndən cəmi 8 məğlubiyyət görən Rednikin yetirmələrinin qazancı bununla da 100 xala çatıb. Bu klub tarixində 3-cü göstəricidir. Hazırda Rednik 2-ci olan Rasim Karadan cəmi 7 xal geri qalır.

“Simurq”la oyunda vurulan 2-ci qol da Rednik üçün əlamətdar olub. Belə ki, bu onun rəhbərliyi altında vurulan 70-ci – yubiley qolu olub.

Baş məşqçinin 2 yubileyi ilə yanaşı 2 futbolçu da Zaqatalada əlamətdar hadisə ilə üzləşib. Qapıçı Kamran Ağayev klubun heyətində 140-cı, Azərbaycan milli komandasının digər üzvü Branimir Subaşiç isə 10-cu matçını keçirib.

Daha çox


Son xəbərlər
05.07.25  12:04

O pulu ailəsi alacaq

05.07.25  10:06

Hara gedirsən, Benzia?