“Onu “Qarabağ”dan transfer etmək istəyirdik, alınmadı”

“Onu “Qarabağ”dan transfer etmək istəyirdik, alınmadı”
ÖLKƏ FUTBOLU 17 Noyabr 2026 / 09:39 201
-  A +

Ukraynanın “Polesye” klubunun baş məşqçi köməkçisi Sergey Kravçenko “Qarabağ”ın futbolçusu Aleksey Kaşuku transfer etmək istədiklərini təsdiqləyib.

QOL.az “Ukrainskiy futbol” nəşrinə istinadən xəbər verir ki, o, 26 yaşlı yarımmüdafiəçinin yayda komandalarına keçidinin baş tutmadığını bildirib.

Kravçenko Kaşukun oyun keyfiyyətlərini yüksək qiymətləndirib:

“Biz onu “Polesye”də görmək istəyirdik, çünki səviyyəsini yaxşı bilirik. O, təkbətək mübarizələrdə rəqibini çox yaxşı keçir, yüksək sürətə malikdir. Bizə belə futbolçular lazımdır. Yayda onu transfer etmək istəyirdik, amma müəyyən səbəblərdən alınmadı”.

Ukraynalı mütəxəssis Kaşukun “Qarabağ”da fərqli mövqelərdə oynadılmasına da münasibət bildirib:

“Mənim üçün Kaşuk sırf cinah futbolçusudur. Onun güclü tərəfi cinahda təkbətək mübarizə aparmaqdır. “Qarabağ”da bəzən oynadıldığı kimi, xətlər arasında və ya mərkəz hücumçusu mövqeyində çıxış etmək deyil”.

Qeyd edək ki, Kaşuk noyabrda ilk dəfə Ukrayna millisinə dəvət alıb və Şimali İrlandiyaya qarşı keçirilən görüşdə debüt edib.

Onun “Qarabağ”la müqaviləsi 2027-ci il iyunun 30-na qədər qüvvədədir.

Daha çox


Qarabağ FK
Son xəbərlər
16.11.26  13:19

Yamal onu təhqir etdi

topaz banner