1 qola görə mümkün pley-off-dan kənarda qaldıq

1 qola görə mümkün pley-off-dan kənarda qaldıq
XƏBƏR 17 Noyabr 2026 / 12:39 359
-  A +

Malta millisi UEFA Millətlər Liqasının D Liqasından Avro-2028-in pley-off mərhələsinə vəsiqə qazanmaq baxımından üstünlük əldə edib.

QOL.az xəbər verir ki, bu barədə futbol statistikası üzrə ixtisaslaşmış “Football Meets Data” məlumat yayıb.

Bildirilib ki, Maltanın noyabrın 16-da səfərdə Cəbəllütariqlə 1:1 hesablı heç-heçə etməsi D Liqasından pley-off üçün ayrılan yeganə yer uğrunda mübarizədə bu komandanı Azərbaycan millisindən üstün edib.

Hər iki yığma Millətlər Liqasının qrup mərhələsini 8 xalla və müsbət 2 top fərqi ilə başa vurub. Lakin Malta 5, Azərbaycan isə 3 qol vurub.

“Football Meets Data” Azərbaycan millisinin Lixtenşteynlə (FİFA reytinqində 207-ci yer) iki oyunda cəmi bir qol vurmasına diqqət çəkib. Qeyd olunub ki, millimiz həmin görüşlərdə daha bir qol vursaydı, üstünlük Azərbaycana məxsus olacaqdı.

Malta D Liqasından pley-off üçün ayrılan yer sayəsində öz qrupunda qalib olmayan A Liqası komandalarından da üstün mövqedədir.

“Football Meets Data”nın simulyasiyalarına əsasən, Maltanın AVRO-2028-in pley-off mərhələsinə yüksəlmək ehtimalı 73 faizdir. Malta millisi indiyədək nə dünya, nə də Avropa çempionatının final mərhələsində iştirak edib.

Qeyd edək ki, Malta hələ Avro-2028-in pley-offuna rəsmən vəsiqə qazanmayıb.

Əgər Millətlər Liqasının A, B və C Liqalarının qrup qalibi paralel olaraq Avro-2028-in seçmə mərhələsində öz qruplarında ilk iki yerdən birini də tutub yarışa birbaşa vəsiqə qazansa, o zamanda Malta pley-off-da çıxış edəcək.


Qarabağ FK
Son xəbərlər
16.11.26  13:19

Yamal onu təhqir etdi

topaz banner