12:49
“Karvan-Yevlax”ın kapitanı Elvin Yunuszadənin QOL.az saytına müsahibəsi
- Misli Premyer Liqasının 24-cü turunda “Araz-Naxçıvan”a məğlub oldunuz (1:2). Ardıcıl üçüncü matçda xal qazanmağınız üçün nə çatmadı?
- Hər iki tərəf qələbə qazanmaq istəyirdi. Ona görə də maraqlı oyun alındı. Həm bizim, həm də rəqibin qol epizodları oldu. Bu cür oyunlarda kim fürsətlərdən daha yaxşı istifadə edirsə, o da qalib gəlir. Təəssüf ki, biz şanslarımızı boşa verdik.
- Halbuki matça yaxşı başlamışdınız...
- Bəli, ilk dəqiqələrdən üstünlük bizim tərəfimizdə idi. Qol şanslarımız olsa da, dəyərləndirə bilmədik. 0:2-dən sonra geridönüş etmək heç də asan deyil. Buna baxmayaraq, sona qədər mübarizə apardıq.
- Adətən autsayder mövqeyində olan komanda fasiləyə 2 top fərqi ilə geridə yollanırsa, artıq təslim olur. Lakin siz ikinci hissədə məğlubiyyətdən qaçmaq üçün çox çalışdınız. Oyundan qopmamağınıza nə kömək oldu?
- Əvvəla, turnir cədvəlində sonuncu yerdə olsaq da, son 3 turda komandamız yaxşı futbol sərgiləyir. Ümumiyyətlə, kollektivdə irəliləyiş olduğu göz önündədir. Buna qədər “Sumqayıt” və “Qəbələ” ilə matçlarda da xal qazanmışdıq. O ki qaldı oyundan qopmamağa, fasilədə söhbətimiz oldu. Baş məşqçi Füzuli Məmmədov öz tapşırıqlarını verdi, çatışmazlıqları, səhvlərimizi dedi. Füzuli müəllim təslim olmağımıza imkan vermir. Məhz o inamın sayəsində ikinci hissədə tam gücümüzlə mübarizə apardıq. Qol epizodlarından daha yaxşı istifadə etsəydik, xal qazanardıq.
- Belə çıxır ki, “Karvan-Yevlax” qələbə qazanmaq üçün hesabı açan tərəf olmalıdır?
- Düzünü demək lazımdır ki, bizim kimi komandalar üçün açıq futbol oynamaq asan deyil. Qol vurub qapanmağımız rəqibərlə də çətinlik yaradacaq. “Araz-Naxçıvan”la ilk dövrənin oyununda da xal qazanmağa yaxın idik. Son dəqiqədə rəqib penaltidən qələbə qolunu vurdu. İlk qol vurmağımız həqiqətən də matçın ssenarisini xeyrimizə dəyişir.
- Sona 9 tur qalıb və 11-ci pillədən 8 xal geridəsiniz. Liqada qalmaq ümidləriniz hələ tükənməyib?
- Xeyr. Ola bilər əksəriyyət fərqli düşünür. Lakin biz 9 turdan 3-də qalib gəlsək, hədəfimizə çatacağıq. Başa düşürəm ki, bu, çox çətindir. Lakin imkansız deyil. Üstəlik, həm “Kəpəz”, həm də “Qəbələ” ilə qarşılaşacağıq. Bu, 6 xallıq oyunlar olacaq. Həmin görüşlərdə qələbə qazanmaqla mövqeyimizi xeyli yaxşılaşdıra bilərik. Bir sözlə, təslim olmamışıq. Futbolda vəziyyəti həmişə dəyişmək mümkündür.
ÇL matçına çıxmamaq cəzasından son anda xilas oldu
La Liqanın ən bahalı futbolçuları kimlərdir?
“Şəki Siti”nin əzmkar geridönüş qələbəsi - Video
MLS rəhbərliyi çempionat təqvimində dəyişiklik edir
"Barselona"dan yeni rekord
"Bavariya"dan "Real"a keçə bilər
"Çelsi"nin kapitanı sıradan çıxdı
Rəhim Həsənov hakimlərin qərarını təsdiqlədi - Video
Çempionlar Liqası finalının bilet qiymətləri bəlli oldu
Millidən qayıtdıqdan sonra qol vura bilmir
Milliyə kimlər çağırıldı?
Qvardiola ÇL matçından öncə komandasını istirahətə göndərdi
"Barselona"nın qapıları Messinin üzünə açıqdır"
"Çelsi"yə transfer qadağası qoyuldu
“D” lisenziyalı məşqçi kursları keçiriləcək
"Şəki Siti"dən möhtəşəm geridönüş, "Şirvan"dan qələbə
“Neftçi” adının ağırlığını ortaya qoymalıyıq" - Kenan Piriç
AFFA-dan 500 min avroluq maaş iddialarına münasibət
"Barselona" baş məşqçisi ilə müqaviləni uzadır
"Ayın qolu"nun müəllifi mükafatlandırıldı
Rui Jorjenin köməkçiləri açıqlandı
"Kütləvi şəkildə milliləşdirmə olmayacaq" - Sərxan Hacıyev
"Barselona" prezidentliyinə namizəd: "Nəticə utancvericidir"
"Liverpul" - "Qalatasaray" matçının hakimləri bilindi
Misli Premyer Liqasında 6 oyunun saatı məlum oldu
Tite istefaya göndərildi
Yarımfinalda ilk oyunların vaxtı açıqlandı
