16:21
“Bu gün istənilən azərbaycanlı məşqçi ölkəmizə gələn əcnəbi mütəxəssisdən zəif deyil. Özümüz-özümüzə yuxarıdan aşağı baxmağı qurtarmalıyıq”. Bunu Bakının “Olimpik” klubunun baş məşqçisi Əsgər Abdullayev deyib.
Cari mövsüm həm Premyer Liqada, həm də bombardirlər yarışında əcnəbilərin hegemonluq etməsi ilə diqqət çəkir. Ölkəmizdə çalışan legionerlərin futbolumuza xidmət etdiyini deyən Abdullayev fikrincə, yerlilərə də güvənmək vacibdir: “Misal üçün, “İnter”də daha çox əcnəbilər yer alsa belə, bu, Azərbaycan komandasıdır. Onu demək istəyirəm ki, biz özümüz-özümüzə inanmağı bacarmalıyıq. İsa peyğəmbərin gözəl kəlamı var – öz dövlətində peyğəmbər olmaq çox çətin və mümkünsüzdür. Bizimkilər yerli məşqçilərə güvənməli və inanmalıdırlar. Ola bilsin ki, həmin klublarda işləyən məşqçilərin şəraiti digərlərindən çox-çox yaxşıdır. Söhbət baza və digər məsələlərdən gedir. Əcnəbilərin üstünlükləri onların şəraitinin daha yaxşı olmasındadır. Bununla öz şəraitimizdən şikayətlənmək fikrində də deyiləm”.
Əcnəbi həmkarlarına hörmət bəslədiyini vurğulayan Abdullayev onlara uğurlar arzulayıb: “Hər halda, onlar da futbolumuzun inkişafı yolunda öz güclərini sərf edirlər. Amma məşqçilərimizin də üstündən xətt çəkməyə və bizə yuxarıdan aşağı baxmağa ehtiyac yoxdur. Klub rəhbərliyinin baş məşqçi postunda yerli, yaxud əcnəbi çalışdırıcıya güvənməsi onların şəxsi işidir. Əcnəbilərdə şərait bizdən yaxşıdırsa, bu, o demək deyil ki, onlar asanlıqla çempion olacaq, biz də kənarda qalacağıq”.
Sonadək mübarizə aparacaqlarını deyən 48 yaşlı çalışdırıcı yerli mütəxəssislərin hər mövsüm özünü sübut etməsinə toxunub: “Hazırda Azərbaycan futbolunda öz sözünü deyən mütəxəssislərimiz çoxdur. Məgər bizdə məşqçi yoxdur? Əlbəttə ki, Azərbaycanda istənilən səviyyədə məşqçi var. Saysaq, barmaqlarımız çatmaz. Əcnəbilərin ölkəmizə gəlişi futbolumuz naminə çox yaxşıdır. Ancaq nə onlar, nə də bizimkilər məşqçilərimizə zəif gözü ilə baxmamalıdır”.
Qeyd edək ki, Abdullayev məşqçilik karyerasında iki dəfə ölkə kubokunu qazanıb.
Mənbə: apasport.az
Messi, Buskets, Alba...
"İyulda təqvimi bilib, oktyabrda şikayət etmək lazım deyil”
“Qarabağı görüb daha çox sevməyə başladım” - Qurban Qurbanov
Lukaku: "De Brüyne "Napoli"yə çatışmayan bir parça idi"
"Neftçi" yeni mövsümün hazırlığına başladı - Şəkillər
Ronaldo "Əl-Nəsr"lə neçə illik müqavilə imzalayacaq?
"Yamal nə etdiyini yaxşı bilir"
"Nyukasl”ın tarixində ən çox qazanan futbolçu ola bilər
"Qalatasaray"ı tərk edir
"Qarabağ"ın Ağdam şəhərinə səfərindən - Şəkillər
Azərbaycanın millisi Qazaxıstanda çempion oldu
Kepa Arrisabalaqa Londonda klub dəyişir
Mahir Emrelinin komandasının rəqibi məlum oldu
“Qarabağ” çempionluq kubokunu “İmarət”ə apardı - Yenilənib
İstanbul klubu yenidən Arveladzeyə tapşırıldı
Millinin yeni baş məşqçisi: "Çox iş görməliyik"
Pioli "Əl-Nəsr"dən ayrıldı
"İmişli" 5 futbolçu ilə vidalaşdı
Azərbaycan futzal millisində əcnəbi baş məşqçi - Rəsmi
AFFA-nın İcraiyyə Komitəsinin iclası keçirildi - Şəkillər
"Araz-Naxçıvan"ın "Aris"lə oyunlarının vaxtı açıqlandı
Daha bir bombardiri "Karvan"dan ayrıldı
"Barselona" "Kamp Nou"ya nə vaxt qayıdacaq?
"Sumqayıt"dan gedənlərin sayı 8 oldu
Neymar: "Santos"da kişi oldum"
Nedvedə milli komandada vəzifə verildi
"Liverpul"dan "Napoli"yə
Daha bir futbolçu "Sumqayıt"dan ayrıldı
"Neftçi"dən ayrılan futbolçu Fransa klubunda
Daha 2 komanda 1/8 finalda - Dünya çempionatı
"Lion" Liqa 1-dən qovuldu
