"Qarabağ"ın baş məşqçisi Qurban Qurbanov Misli Premyer Liqasının 3-cü turunda "Karvan"a 2:0 hesabı ilə qalib gəldikləri oyundan danışıb.
QOL.az xəbər verir ki, o, matçdan sonra keçirilən mətbuat konfransında deyib:
- Futbolçularımı təbrik edirəm. Asan qələbə deyildi. Belə şəraitdə, belə meydançada futbolçuları motivasiya etmək asan deyil. Lakin yenə də bacardılar. Bizim üçün vacib oyun idi. Futbolçularıma təşəkkür edirəm. Xeyli azarkeşimiz var idi. Onlara da minnətdaram. Azər Haşımova uğurlar arzulayıram. Premyer Liqada yeni kollektivlə iştirak edirlər. Əvvəlki oyunları da çox yaxşı səviyyədə keçirmişdilər. Bu gün də çox yaxşı oyun qurmuşdu, qapımız qarşısında xeyli sayda təhlükəli epizod da yaratdılar. Get-gedə də daha da yaxşı kollektiv və daha yaxşı nəticələri olacaq.
- "Benfika" ilə oyuna hazırlaşan "Qarabağ" üçün "Karvan-Yevlax"la matça köklənmək çətin deyil?
- Düzü, hələ o oyuna hazırlaşmaq barədə düşünmürdük. Sadəcə "Karvan"la matçı fikirləşirdik. Avrokuboklar matçından, o atmosferdən çıxıb, bu gün belə şəraitdə oynamaq var idi. Ona görə dedim ki, "Ferensvaroş"la matçdan sonra futbolçuları bu oyuna motivasiya etmək asan deyildi. Amma illərdir ki, belə hallar olur. Çox istəyərdik ki, daha yaxşı meydançada, daha çox azarkeş olsun. Bu iki amil futbolçular üçün çox önəmlidir. İstirahətdən sonra "Benfika" ilə oyuna hazırlaşacağıq.
- Kamilo Duran debüt etdi, amma Dani Montieli hələ ki görməmişik. Onun durumu necədir?
- Burada elə bir ciddi problem yoxdur. Sadəcə hazır deyil. Altı aydan çoxdur ki, komanda ilə məşq etməmişdi, fərdi hazırlaşmışdı. Hələ idman formasından uzaqdır. Düzdür, kollektivlə məşqlərə qoşulub. Amma hələ bu cür oyunları oynayacaq gücdə deyil. Daha da çox vaxt lazım olacaq. Çempionata verilən fasilədə inanıram ki, özünə yavaş-yavaş gələcək. Qarşıdakı matçlarda ilk dəqiqələrdən yox, sonradan oyuna çıxmaq şansı olacaq.
- Son günlərdə "Neftçi"nin "Qarabağ"ı ÇL-in əsas mərhələsinə düşməsi münasibəti ilə təbrik etməməsi müzakirə edilir. Sizə görə, "Neftçi" tərəfinin "Qarabağ"ı təbrik etməməsi düzgündür?
- Samir həmişə telefonla təbrik edir. Elçin müəllimlə həmişə əlaqə saxlayır. Demək olar ki, bütün matçlardan sonra zəngləşib, təbriklərini çatdırır. Düzünü desəm, bu məsələyə ciddi də yanaşmamışdım. Amma hər klubun da öz yanaşması var. Bu gün buna görə "Neftçi"dən incidim deyə, bir şey yoxdur. Hərənin yanaşması, hər bir klubun idarə edilməsi fərqlidir. "Neftçi" hamımızın "Neftçi"sidir. Samir bizim dostumuzdur, rəhbərlikdəkilər də dostlarımızdır. Çox yaxşı münasibətlərimiz var. Rəhbərlikdən də oyundan sonra şəxsən mənimlə əlaqə saxlayanlar çox olub, təbrik ediblər. Rəsmi, yazılı formada olmayıb, bunu ciddiyə də almıram.
- Samba Sumano və Juninyonun "Qarabağ"a keçidi məsələsi nə dərəcədə doğrudur?
- Bəli, danışıqlar gedir. Biz tərəfimizdən ciddi təklif də olub. Ola bilər ki, biz Çempionlar Liqasının əsas mərhələsinə düşdük deyə, qarşı tərəf daha çox yuxarıdan getməyə başladı. Biz də danışıqlar aparırıq. Vaxtımız azdır. Hər bir halda, son dəqiqəyə qədər danışıqlar gedəcək. Birdən-birə danışıqlar çox çətinləşməyə başladı.
- Çempionlar Liqasının təqvimindən razısınız?
- Normaldır. Əsas mərhələdir də. Bir deyim var, keçəl Həsən, Həsən keçəl, ikisi də eynidir.
- Legioner limitinin ləğvi Azərbaycan futboluna nə verdi, nə aldı?
- Fikir bildirmək tezdir. Çempionatın gedişatında baxacağıq. Komandalar da keçən mövsümə nisbətən, bəlkə, daha da ciddiləşib, daha da fərqli olub. (sportal.az)
"Yuventus"dan ardıcıl ikinci qələbə
"Biz belə nəticəni gözləmirdik" - Dambrauskas
"Böyük iş gördük" - "İmişli"nin baş məşqçisi
"İmişli"dən "Sabah"a baxımlı qələbə qolu - Video
"İmişli" "Sabah"a, "Qarabağ" "Karvan"a qalib gəldi
“Neftçi”nin bizi təbrik etməməsini ciddi qəbul etmədim”
“Danışıqlar çox çətinləşməyə başladı" - Qurban Qurbanov
"Qarabağ"ın "Karvan"a vurduğu 2 qol - Video
"Sabah" - "İmişli" matçı üçün - Heyətlər
Mahirin komandasından möhtəşəm geridönüş
"Mançester Yunayted"dən "Çelsi"yə keçidindən danışdı
"Yuventus"un futbolçusu Premyer Liqa klubuna keçdi
"Karvan" - "Qarabağ": Heyətlər
Mehdi Taremi "Olimpiakos"da
Dioqo Jotanın forma nömrəsi bu futbolçuya verildi
"Benfika"dan yeni transfer
Qara Qarayev: “Mənim rəqabətə girəcək dövrüm deyil”
"Qalatasaray"ın ardıcıl 4-cü qələbəsi - Video
Rüfət Zaqreb "Dinamo"suna qarşı oynadı
Ardanın qolu, "Real"ın qələbəsi - Video
Renat oynadı, komandası qalib gəldi
Vüsal oynadı, komandası heç-heçə etdi
Azərbaycan klublarının yay transferləri - Yenilənir
"Məndə geri çəkilmək yoxdur" - Kaxaber Tsxadadze
"Əzmkar qələbə qazandıq" - Elmar Baxşıyev
"Araz-Naxçıvan" "Qəbələ"yə belə qalib gəldi - Video
"Araz-Naxçıvan" "Qəbələ"yə qalib gəldi, "Zirə"dən darmadağın
"Zirə"dən "Kəpəz"ə 5 qol - Video
"Komandanı toparlamağa çalışacağıq" - Adil Şükürov
"Araz-Naxçıvan" - "Qəbələ": Heyətlər
"Napoli" "Mançester Yunayted"lə razılığa gəldi
Flik püşkü dəyərləndirdi
Millimiz Sloveniyada turnirə qatılacaq
"Zirə" - "Kəpəz": Heyətlər
"Neftçi" bu futbolçusunu icarəyə verdi
"Barselona"dan Qavi açıqlaması
“Qarabağ”ın oyunlarının təqvimi - Çempionlar Liqası
Mourinyo Türkiyədən belə ayrıldı - Şəkillər
“Qarabağ”ın bütün vərəqələri ləğv olundu
"Milan" transferi açıqladı
Sergen Yalçın yenidən "Beşiktaş"da - Rəsmi