18:03
Yazıya haradan başlamalı olduğunu belə bilmir adam. İkili hisslərdi. Haradasa azarkeşliklə yazarlığın ortasında olan duyğulardı bunlar. Axı, hər bir yazar məsələ ölkə anlamı daşıyanda, həm də azarkeşdi.
"Qarabağ" "Ferentsvaroş"un qapısından 3-cü qolu keçirəndə, elə bil binamız silkələndi yerindən. Bu qədərini heç mən də gözləmirdim açığı. Çoxdandır belə sevinmirdim.
Oyunda baş verənlərə gəlincə, sanki futbol meydanında iki fərqli dünya, iki fərqli tərz gücünü sınayırdı. Hərə bacardığı qədərində. "Qarabağ" ispan üslubunda, "Ferentsvaroş" da Britaniya manerasında rəqibini üstələməyə çalışırdı. Orası dəqiqdir ki, başlanğıc meydan sahibləri üçün karıxdırıcı oldu. Sol cinahda Zubirlə Elvindən ev yiyəsinə xas inamlı keçidləri gözləmirdilər deyəsən. İlk hissədə qol buraxmağına rəğmən belə, "Qarabağ" heç də pis görünmürdü. Kiçik ötürmələrlə rəqib müdafiəsini yarmaq rahat alınmasa da, "Ferenstvaroş"un müdafiəsini narahat eləməyi bacarırdılar.
Fasilədən sonra yaşananlar isə kabusa bənzədi meydan sahibləri üçün. Döyüşkənlik nümayiş etdirən təmsilçimiz həqiqətən də futbol dərsi keçdi rəqibinə. Robbi Kini çözmək üçün bir hissə kifayət elədi Qurban Qurbanova.
Hamı döyüşdü, hamı oynadı. Təbii ki, hərə öz imkanları çərçivəsində. Dəfələrlə deyilib, Yankoviçli "Qarabağ" tam başqa komandaya bənzəyir. Yeni gələn Bikalyo da onunla ayaqlaşmağa çalışır.
Buraxılan qolda rəqibin hücumunun qarşısını almamaqda qınayırlar Elvini. Amma Cəfərquliyev meydanda ən yaxşılardan idi.
Oyunda ən maraqlı ştrix nədəydi soruşsanız, mənə görə Kevin Medinanın oyun quruculuğunda. İrəlidə ötürmə üçün münasib variantlar tapmayınca, 3-4 dəfə driblinq hesabına topu irəli daşıyıb təhlükəli hücumlar qurdu. Bir ara ehtiyata göndərilən, Qurban müəllimdən "qulaqburması" alan müdafiəçi ən yaxşı günlərini xatırlatdı. Bəhlulla birlikdə rəqibin hündürboy hücumçularına əksər epizodlarda keçid vermədilər.
Robbi Kinin açıqlamasından belə anlaşılır ki, Qurban Qurbanovu yaxşı tanımır. Elə bilir ki, bizimkilər eyforiyadadır, indidən ÇL-in əsas mərhələsini bayram edir "Qarabağ". Kim də bilməsə, biz yaxşı tanıyırıq Qurban bəyi. Hətta ən zəif rəqibə sayğı ilə yanaşan bu adamın nə özünün, nə komandasının rahatlaşması mümkündür!
Emin Abbasov
sportal.az
İlin futbolçusu seçildi
“Beşiktaş”dan Ştegenə 8 milyon avroluq təklif
"Məşqçi kimi daha da püxtələşdim"
Ağ Ev Trampla Ronaldonun görüşündən görüntü yaydı - Video
“Kamp Nou”da ilk oyunda azarkeşləri sürpriz gözləyir
“Bayer"nin futbolçusu “Barselona” və “Bavariya”nın hədəfində
AFFA rəsmisi UEFA-nın iclasında iştirak edib
“Tottenhem”in hücumçusu "Roma"ya keçə bilər
Azərbaycan millisi FİFA reytinqində gerilədi
“Milan” Levandovskiyə maraq göstərir
“Real”ın müdafiəçisi millinin oyununda zədələndi
“Yuventus” Kenan Yıldızla razılığa gəldi
De La Fuente Türkiyə ilə heç-heçədən danışdı
Fransa Superkubokunun oyunu başqa ölkədə keçiriləcək
Elçin Məsiyev zədələndi, oyunun hakimi dəyişdi
"İnter" derbiyə itki ilə çıxacaq
Bellinqem, Palmer, Virtz, Vitinya...
Zədəli Osimhenin durumu açıqlandı
İlin klubu adına namizədlər hansılardır?
Azərbaycan güləşçisi İslamiadada finala yüksəldi
DÇ-2026-da seçmə mərhələnin bombardiri
Arteta, Flik, Mareska, Alonso...
1-ci liqada 5 oyunun hakimləri məlum oldu
