20:45
"Araz-Naxçıvan"ın baş məşqçisi Elmar Baxşıyev Konfrans Liqasının 2-ci təsnifat mərhələsində "Aris"i keçərək mərhələ adlamaqları haqda danışıb.
QOL.az xəbər verir ki, Azərbaycan klubu Yunanıstan təmsilçisi ilə Bakıdakı ilk oyunda 2:1 hesablı qələbə qazanmışdı. Yunanıstanda oynanılan bugünkü cavab görüşündə isə 2:2 hesabı qeydə alınıb. İki matçın cəmində "Araz-Naxçıvan" üstün olaraq 3-cü mərhələyə yüksəlib.
E.Baxşıyev hakim qərarlarından narazı olduğunu ifadə edib: “Yaxşı oyun izlədik. Hər iki komanda layiqli mübarizə apardı. Bizi səfərdə nəyin gözlədiyini bilirdik. Bu gün şanslı tərəf biz olduq. Penalti epizoduna gəldikdə, hakimlərin qərarını heç vaxt müzakirə etmək istəməmişəm. Bakıdakı oyunda da bizim xeyrimizə penalti təyin edilməli idi, amma bunu etmədilər. Biz də bunu qabartmadıq. Oyunun qırılma nöqtəsi isə penalti epizodu deyildi".
"Aris"in güclü komanda olduğunu vurğulayan mütəxəssis "Araz-Naxçıvan"ın meydanda yaxşı iş gördüyünü söyləyib: “Aris”in oyununu da vurğulamaq lazımdır. Yaxşı, təşkilatlanmış komandadır. Bakıdakı oyunda da geri dönüşü futbolçularım etdi. Hər iki oyunda “Araz-Naxçıvan” meydanda yaxşı işlər gördü. Bu cür mərhələlər iki oyundan ibarətdir. Deyirsiniz ki, iki epizodumuz oldu və hər ikisini dəyərləndirdik. Bunlar futbolun elementləridir. Bakıdakı oyuna baxsaq, epizodları hesablasaq, 5:1 hesabı ilə qalib gəlməli idik. Komanda şəklində yaxşı, layiqli mübarizə apardıq. Yolumuza davam edirik”.
Qeyd edək ki, "Araz-Naxçıvan" növbəti mərhələdə "Omoniya" (Kipr) ilə qarşılaşacaq.
"Sabah"ın 4 qollu qələbəsi - Video
"Bilirdik ki, rəqibdən güclüyük" - Valdas Dambrauskas
"Bu cür uduzmaq xoş olmur" - "Petrokub"un baş məşqçisi
"Hayduk" - "Zirə": Heyətlər
“Sabah” Konfrans Liqasında 3-cü mərhələyə adladı
"Aris" - "Araz-Naxçıvan": Heyətlər
"Sumqayıt" "Kəpəz"ə qalib gəldi
