09:41
Ötən mövsüm Misli Premyer Liqasında oynamaq hüququ qazanan "Araz Naxçıvan" təmsil etdiyi Muxtar Respublikaya qayıdışı yubanmaqdadır.
QOL.az xəbər verir ki, komanda düz 1 il 6 aydır ki, ev oyunlarını doğma Naxçıvanda - 12 minlik stadionda deyil, Mərdəkanda, Xəzər çimərliyinə yaxın arenada keçirir. Həm də bomboş tribunaların önündə.
Kədərli mənzərədir.
Mərdəkanda boş tribunalar önündə ənənəvi oyunlardan biri
Halbuki "Araz Naxçıvan" birinci liqada ev oyunlarını Naxçıvanda keçirəndə biz tribunalara minlərlə azarkeşin toplaşdığına da şahid olurduq.
İndi isə Naxçıvan azarkeşləri doğma komandalarının oyunlarına yalnız "CBC Sport"da baxmaq məcburiyyətindədirlər.
Yeganə problem isə odur ki, Naxçıvan stadionu Premyer Liqanın standartlarına cavab vermir. Ən azı meydançanın örtüyü dəyişməlidir, işıqlandırma sistemi qurulmalıdır, TV yayımı üçün şərait yaradılmalıdır.
Düzdür, komanda liqanın çempionu olub yüksək liqaya vəsiqə qazandıqdan sonra elan edildi ki, arena bərpa olunacaq. Amma təəccüblüdür ki, aradan bu qədər vaxt keçib, stadionda işlərə isə başlanılmayıb. Nə vaxt başlanacağına dair isə nə məlumat var, nə də qərar.
Hətta Naxçıvan Futbol Federasiyasının prezidenti, iş adamı Zaur Axundov da vəziyyətin nə zaman düzələcəyini bilmədiyini deyir. O, bu gün mətbuatda yayımlanan müsahibəsində bu barədə sualı da cavablandırıb. Axundov əvvəlcə bu mövzuda haqqındakı tənqidlərə cavab olaraq söyləyib: "Tənqid edirlər, sağ olsunlar, amma stadionu mən tikməmişəm".
Arena Naxçıvanda Muxtar Respublikasının müvafiq dövlət qurumlarının balansındadır.
Zaur Axundov müsahibəsndə onu da deyir ki, stadiona baxış keçirilib: "Mən özüm də müəyyən şirkətlərlə danışmışam. Qazonu dəyişmək, işıqlandırma sistemini yeniləmək lazımdır. Soyunub-geyinmə otaqları yüksək səviyyədədir. Danışdığımız şirkətlər 3 ay vaxt istəyiblər. Amma dediyiniz kimi, tək məndən asılı olan məsələ deyil. Bu yaxınlarda Gənclər və İdman Nazirliyi də stadiona baxış keçirib. Artıq görüləcək işlərin planı hazırdır. Qərar verilməli və maliyyə ayrılmalıdır ki, stadion hazır vəziyyətə gətirilsin".
Beləliklə, göründüyü kimi, qeyri-müəyyənlik davam etməkdədir. Düzdür, problemin həlli üçün tezliklə işlərə başlanacağına dair məlumatlar da var. Amma bu söhbətlər ilyarımdır ki, davam edir.
Real durum odur ki, "Araz Naxçıvan" doğma meydanında yox, hələ də Mərdəkanda oynayır və stadionun tikintisinə pul ayrılana qədər də rəqiblərini orada qəbul etməli olacaq. Bunun müvəqqəti olduğunu, yoxsa uzun illər davam edəcəyini isə zaman göstərəcək.
ELNUR
“Neftçi” üçün 26 mümkün rəqibdən 11-i… - Onlar kimlərdir?
“Sabah”ın start heyətini görəndə məyus oldum” - Video
Səhvən əvəzləndi, hakimə əsəbləşdi
"Bəlkə də cəzalanıblar, biz hiss etməmişik" - Rəşad Sadıqov
"Komanda haqda mənfi söz deyə bilmərəm" - Veliçko Kaplanoviç
"Kubokdan sonra oynamaq asan deyildi" - Valdas Dambrauskas
"Hədəfimizə çatdıq, bu gün çox xoşbəxtəm" - Yuri Vernidub
“Sabah” - “Neftçi” matçında dava düşdü
"Neftçi" Konfrans liqasına vəsiqəni təmin etdi
"Neftçi" "Sabah"a, "Zirə" "Sumqayıt"a qalib gəldi
61 ildən sonra çempion oldular
"Real"ı tərk edə bilər
"Sumqayıt"da ciddi itki
“Beşiktaş” 2 milyonluq bonusdan məhrum oldu
Rekordunu təkrarladı
Vurduğu qol ilə transferini rəsmiləşdirdi
"Sabah" - "Neftçi": Heyətlər açıqlandı
"Zirə" - "Sumqayıt": Heyətlər
"Yuventus" uduzub 6-cı pilləyə düşdü
Cənubi Koreya millisinin DÇ-2026 üçün heyəti açıqlandı
Qvardiola "Mançester Siti"dən ayrılır
Bundesliqanın ən yaxşı oyunçusu seçildi
İngiltərə kubokunun tarixinə düşdü
Xabi Alonsonun təyinatı açıqlandı - Rəsmi
Nəriman ehtiyatda qaldı
Harri Keynin növbəti het-triki - Video
Azərbaycan cüdoçularından Avropa Kubokunda uğurlu start
Qvardiola Ferqyusonun rekordunu təkrarladı
14 mövsüm sonra yenidən La Liqada
Cəlal Hüseynov dayanmaq bilmir, yenə qol vurdu - Video
Mourinyo: “Qalma ehtimalım 99 faizdir”
Keyndən yeni rekord
"Real" onu göndərir
Alonso "Çelsi" ilə razılaşıb?
Şamaxıda vurulan 5 qol - Video
"Bavariya" çempionluğunu 5 qolla qeyd etdi
"Mövsüm bitdikdən sonra..." - Jorj Kaşkilya
İngiltərə Kubokunun qalibi "Mançester Siti" oldu
“Qarabağ” Avroliqaya vəsiqəni təmin edib
