Medianın İnkişafı Agentliyinin layihəsi
Hazırkı yay transfer pəncərəsində legioner həyatı yaşayan bir çox futbolçularımız klublarından ayrılıblar və vətənə qayıdıblar. Onlar yerli klublarımızla müqavilə imzalayıblar. Bunların arasında Ramil Şeydayev, Musa Qurbanlı, Şahruddin Məhəmmədəliyev və digər futbolçularımız var.
Bəs yerli futbolçularımızın xarici klublarda möhkəmlənə bilməməsininin hansı səbəbləri var? Niyə onlar klublarından ayrıldıqdan sonra digər bir xarici kluba transfer olunmaqda çətinlik çəkirlər? Bu kimi suallarımıza cavab tapmaq üçün futbol menecerləri ilə söhbətləşdik.
Məsələnin bir neçə tərəfinin olduğunu bildirən Erkin İbrahimov faciəvi bir durumun olmadığını deyib: “Fərqli misallar var. Məsələn, Krivotsyuk. Antonu azərbaycanlı saymaq olarsa, o xaricdə daha da möhkəmlənir. Bütün hallar fərqlidir. Kimsə maaş almır, kimsə rəqabətə dözmür. Bu mövzuya bir tendensiya kimi yanaşmaq olmaz. Həmdə ki, nə qədər də olsa, geriyə dönməklərinə yol var. Görürlər ki, “WhatsApp”a daxil olanda ən pis halda 3-4 Azərbaycan klubu yazır. Əsas odur. Əvvəl Gürcüstanda da elə idi. İndi Gürcüstanda da maaş artır, fubolçular xarici klublara daha az meyl etməyə başladılar. Bu insanın təbiətidir. Burada faciəvi bir şey görmürəm”.
O, Azərbaycan millisinin əsas üzvlərinin ölkə çempionatında oynamasına da toxunub: "Belə anlayıram ki, gələn mövsümdən çempionatımızda legioner limiti 8/3 olacaq. Bu halda vəziyyət fərqli olacaq. Deyə bilmərəm ki, bu qərar düzdür, ya yox. Bu haqda elmi iş araşdırıb yazmaq lazımdır. Çünki hər kəsin öz fikri var və tam doğru proqnoz vermək olmur. Hər zaman belə olub. Sadəcə 15-20 il yığmada oynaya biləcək futbolçu topluğumuz varsa, onların əksəriyyəti ölkəmizdə oynayır. Eşitdiyimə görə, millinin yeni baş məşqçisi Fernandu Santuşa 1.5-2 milyon ödəyiblər. Belə bir sual yaranır ki, bu, bizə lazımdırmı?”
Mütəxəssis futbolçularımızın xarici klublarda çıxış etməsi üçün atılmalı olan addımlardan da danışıb: “Əsas istək olmalıdır. Adamda istək olanda hər şey mümkündür. Biz bunu bir çox misallarda görürük. Mən Latviyadakı futbolçularımızla əməkdaşlıq edirdim. Tural Bayramlı, Ramin Nəsirli - bunlar Azərbaycanda çox da tanınmırdılar. Amma Latviyaya getdilər, orada özlərini sübut etdilər. Bu cür futbolçular gedəndən sonra artıq Latviya klubları deyir ki, daha bir azərbaycanlı varsa, göndər. Sadəcə gedib baş çıxara biləcək adamlar azdır. Nələr etmək lazımdır, onu deyim. Mən görürəm ki, bir çox futbolçularımız xarici menecerlərlə müqavilə bağlayır. Çoxu uşaqdırlar, aldanırlar. Sonra da müqavilə vaxtı gələndə futbolçu hansısa kluba keçir, oradan da xarici menecer peydə olur ki, mənim faizimi ver. Heç kimlə müqavilə bağlamasınlar. Ümumiyyətlə, mən həmişə deyirəm ki, heç kimlə müqavilə bağlamasınlar. Azərbaycan onsuz da balaca yerdir, kim heyətinə qatmaq istəsə, qatar. Xaricdən də görən əlaqə saxlayar. Və yaxud elə bir menecerdirsə ki, özü təklif gətirir, o başqa şeydir. Ümumiyyətlə, aldanmasınlar. Nə meydanda aldanmasınlar, nə də bu cür oyunlara”.
Digər futbol meneceri Vaqif Heydərli məsələnin bir səbəbə bağlı olmadığını vurğulayıb: “Azərbaycanlı futbolçuların xaricdə möhkəmlənməməsinin bir çox səbəbləri var. Birində xarakter problemidir, birində futbol səviyyəsi problemidir, digərində başqa problemdir. Ən əsas da səbəb odur ki, bizim futbolçuları qəbul etmirlər. Biz özümüzü qəbul etdirə bilməmişik. Özümüzü futbol ölkəsi kimi təsdiqləməliyik ki, futbolçular eyni səviyyədə və ya az fərq olanda, bizim futbolçuların yerinə digər özünü təsdiq etmiş ölkələrin futbolçularına üstünlük verməsinlər. Bəzi ölkələri öncədən tanıdıqları üçün, oradan olan futbolçuların şansı daha çox olur”.
O, futbolçularımızın xaricdə oynamasının millimizə təsir edəcəyini qeyd edib: “Əlbəttə ki, bizim əsas problemlərimizdən biri milli komanda ilə bağlıdır. Tək bizim milli yox, bütün milli komandalara aiddir ki, nə qədər xarici klublarda, daha səviyyəli çempionatlarda oynayan futbolçular olarsa, milli komandanın səviyyəsi də bir o qədər artar”.
V.Heydərli peşəkar akademiyaların yaradılmasının lazım gəldiyini və futbolçuların öz üzərində daha çox işləməli olduğunu vurğulayıb: “Demək olmaz ki, günah və ya səbəb bir istiqamətdədir. Bu gün bizdə ilk problem kimi uşaq futbolunu, akademiyaları görürlər. Bu məsələ də bir-birinə zəncirvari bağlıdır. Futbolda xırda məsələlər yoxdur. Peşəkar akademiyalar olmalıdır ki, daha çox peşəkar futbolçu yetişsin, rəqabət daha çox olsun, futbolçular öz üzərlərində daha çox işləsinlər, inkişaf etsinlər. Həmin menecerlər də onları daha yaxşı klublara təqdim edə bilsinlər, əllərində material olsun. O zaman avtomatik olaraq xarici klubların bizim futbolçulara marağı daha çox olacaq”.
Nur Zeynalova
Yazı Azərbaycan Respublikasının Medianın İnkişafı Agentliyinin maliyyə dəstəyi ilə çap olunub
"Fənərbaxça"da ayrılıq
Boksçumuz Avropa çempionatında bürünc medal qazandı
Jiru Qrizmanna təsir edən məqamdan danışdı
Kür-Araz" - "Şimal" matçında vurulan qollar - Video
Tarixin ən yaxşısı seçildi
PSJ Enrike ilə müqaviləni uzatdı
"Şəmkir" "Qusar"ı darmadağın etdi - Video
"Şahdağ Qusar"ın vurduğu 5 qol - Video
Misli Premyer Liqasında 10-cu turun hakimləri müəyyənləşdi
2-ci liqada 7-ci tura start verildi - Yenilənib
"Ronaldo etdiyi hər şeydə əzmli olmağa davam edir"
"Barselona"nın futbolçusu zədədən bərpa olundu
Fransa çempionatının yeni kuboku təqdim olundu - Şəkil
Mbappe ayın ən yaxşı futbolçusu seçildi
2-ci liqada matçların vaxtı bilindi
"Sabah"ın "Bazel"lə oyunlarının hakimləri açıqlandı
1-ci liqada oyunların vaxtı açıqlandı
Dünyanın ən çox maaş alan futbolçuları - Siyahı
"Dostlarım da əvvəlki kimi zəng etmirlər" - Pol Poqba
UEFA Türkiyə klubunu cəzalandırdı
"Barselona"nın "qol silahı" sıraya döndü
Arda Güler 500 minlik saatı ilə diqqət çəkdi - Şəkillər
AFFA-da iclas keçirildi
"Qarabağ" "Ayaks"la oyuna itkilərlə çıxacaq
Kerem Aktürkoğlu İspaniya nəhənginin hədəfində
"Barselona" "Real"la mübarizə aparır
"Karvan"dan vacib qələbə - Video
"Benfika" sərt ittihamla üz-üzə
“Qarabağ” - “Ayaks" oyununun biletləri satışa çıxarılır
Mbappe 6 ilədək həbs oluna bilər
"Sabah" Avropa kubokunda ikinci oyununa çıxdı
"Lill"in futbolçusu üçün mövsüm yekunlaşdı
Levandovski zədələndi
Millimiz penaltilər seriyasında qalib gəldi
Mbappenin vəkili danışdı
"Federasiyada çatışmayan bəzi kuboklar var" - Tomas Tuhel
"Atalanta" 17 yaşlı futbolçunu transfer etdi
Messi onu "Qızıl Top"a layiq gördü
Millimizin Portuqaliya ilə oyun üçün heyəti açıqlanıb
Azərbaycan güləşçiləri dünya çempionatında iştirak edəcəklər
Mərkəzi oyunda "Karvan" qələbə qazandı
Ayın qolunun müəllifi mükafatlandırıldı - Video
Messi millidə özünü uşaq kimi hiss edir
İngilis olmayan üçüncü baş məşqçi