UEFA ilin son rəsmi reytinqini açıqladı - Bizimkilər neçəncidir?

UEFA ilin son rəsmi reytinqini açıqladı - Bizimkilər neçəncidir?
ÖLKƏ FUTBOLU 28 Dekabr 2023 / 11:18 8560
-  A +

UEFA Avropa klublarının rəsmi reytinq cədvəlini yeniləyib.

Qol.az xəbər verir ki, siyahıda 421 komanda yer alıb. Reytinqə Çempionlar Liqasının son qalibi İngiltərənin "Mançester Siti" komandası başçılıq edir (141.000 xal). "Bavariya" 2-ci (136.000),  "Real" 3-cü yeri (123.000) tutur.

Son 5 mövsümün nəticələrinə əsasən hazırlanan reytinqdə Azərbaycandan 8 komanda yer alıb. Ən yüksək göstərici əvvəlkitək "Qarabağ"a məxsusdur. Ağdam təmsilçisi 60-cı yerdə qərarlaşıb (31.000).

Ümumilikdə UEFA reytinqində Azərbaycan klublarının mövqeyi belədir:

60. "Qarabağ" 

145. "Neftçi" 

278. "Qəbələ"

317. "Sabah"

318. "Zirə" 

319. "Sumqayıt"

319. "Şamaxı"

321. "Səbail"

Avropa Liqasının pley-off mərhələsində "Qarabağ"ın gələcək rəqibi olan "Braqa" (Portuqaliya) 41-ci yeri tutur (49.000).

Əlavə edək ki, reytinqdə "Qarabağ"dan sonrakı 10 komanda sırasında müvafiq olaraq "Slovan" (Bratislava), "Bodo-Glimt" (Norveç), "İstanbul Başakşehir" (Türkiyə), "Molde" (Norveç), "Dinamo" (Kiyev, Ukrayna), "CFR Kluj" (Ruminiya), "Ludoqorets" (Bolqarıstan), "Midtyulland" (Danimarka), "Partizan (Serbiya) və "Viktoriya" (Çexiya) qərarlaşıb.

Daha çox


Son xəbərlər
topaz banner