00:10
"Bu gün sevindirici hal o idi ki, təzyiq yox idi. Ən azından azarkeşlər bilirdilər ki, bir oyunluq buradayam, istefa qışqırmayacaqlar. Azər Məmmədova görə oynadıq".
QOL.az xəbər verir ki, bu sözləri "Kəpəz"in məşqçisi Etibar İbrahimov Misli Premyer Liqasının 13-cü turunda səfərdə "Araz-Naxçıvan"ı 1:0 hesabı ilə məğlub etdikləri matçdan sonra təşkil olunan mətbuat konfransında deyib.
O, komandanın toparlanması üçün vaxta ehtiyacın olduğunu söyləyib: "Zaman lazım idi ki, komanda özünə gəlsin. Sübut etdik ki, Azər müəllim yaxşı komanda formalaşdırıb. Sadəcə müəyyən zədələr, səhvlər bizi acı məğlubiyyətlərə gətirib çıxardı. Bu gün komanda hər şeyi etdi ki, azarkeşləri sevindirsin. Möhtəşəm azarkeşlərimiz bizimlə idilər. Onlara təşəkkür edirəm. Bu, yəqin ki, axırıncı çıxışımızdır. Komandamıza uğurlar arzulayıram. Allah qoysa, "Kəpəz" layiq olduğu yerə gəlib çıxar. Yeni gələn məşqçiyə də uğurlar arzulayıram".
O, komandanın baş məşqçisi Azər Məmmədovun istefa verməsinə də toxunub: "Hərdən həyatda elə şeylər olur ki, insanlar yaxınlarını itirəndə qədrini bilirlər. Uşaqlar Azər müəllimi itirdiklərini gördükdə, onun üçün döyüşdülər. O, komandanı yüksək səviyyədə idarə etdi, hər şeyi etdi ki, Gəncə futbolu ayağa qalxsın. Əfsuslar olsun ki, Azər müəllimə bəzi kütlələr tərəfdən zaman tanınmadı. Müəyyən səbəblərə görə Azər Məmmədov istefa verdi".
E.İbrahimov "Sizə baş məşqçi kimi qalıb işləmək təklif olunsa, cavabınız necə olacaq" sualına belə cavab verib: "Azər müəllimlə gəlmişəm. Onunla birlikdə komandanı tərk edirəm. Baş məşqçi və ya köməkçi kimi qalmaq niyyətim yoxdur".
Mütəxəssis gələcək planlardan danışıb: "Bilmirdim ki, bu gün qələbə qazanacağıq. Ağır günlər keçirdik. Zaman lazımdır ki, özümüzə gələk. Allah nə yazıbsa, o da olacaq".
O, ölkə xaricində işləyib-işləməyəcəyi barədə bunları deyib: "Dekabrda Almaniyaya getməyi planlaşdırıram. "Ayntraxt"la müqaviləm var idi. Onları "Kəpəz"də işləmək üçün təxirə saldım. Akademiya pandemiyaya görə bağlanmışdı. Buna görə kompensasiya vermişdilər. "Kəpəz"ə gəldim, xidmət etmək üçün. Azər Məmmədov kimi insanla işləmək şərəf idi. Heç nəyə peşman deyiləm. Premyer Liqada təcrübə qazandıq. 8 il alman məşqçi ilə işləmişəm. Deyirdi ki, Etibarla dalaşırıq, vuruşuruq, sonda komanda üçün xeyirdir. Azər Məmmədovla da belə idi".
E.İbrahimov "Sizcə, gələn məşqçi Gəncə futboluna, "Kəpəz"ə uğur qazandıracaq, yoxs, müəyyən kütlə orada qaldıqca, Joze Mourinyo da gəlsə, düzəldən deyil" sualını bu cür cavablandırıb: "Bu suala 60 faiz cavab verəcəyəm. Bəli, müəyyən problemlər var. Çox xoş haldır ki, bu il komandanın içində problem yox idi. Amma kənarda müəyyən kütlələr tərəfindən hazırlanmış planlar var idi. Əfsuslar olsun ki, bu, Gəncə futbolunun inkişafına təsir etdi. Ümid edirəm ki, gələn məşqçi Gəncə futbolu üçün uğurlar qazandırar".
Azərbaycan minifutbol millisi ikiqat Avropa çempionu oldu!
A seriyası klubu baş məşqçisini göndərdi
"Tottenhem"in təklifini rədd etdi
Mühüm islahatlara imza atan rəhbər vəzifəsini tərk edəcək
"Bizi Azərbaycan yığması ilə çətin matç gözləyir"
"Hədəf həm sınaq, həm də qələbədir" - Ayxan Abbasov
Ayxan Abbasov: "Elvin özünə yeni klub tapmalıdır" - Video
"İrəli xətdə hər kəsdən qol gözləyirik" - Siyasət Əsgərov
"Səbrli olun, ən yaxşı məşqçini seçəcəyik"
Verdiyi sual rəhbərliyi qəzəbləndirdi
"Ayntraxt"dan getsə, klub 60 milyon qazana bilər
Mourinyodan Türkiyəyə qarşı rəsmi şikayət
"Karvan-Yevlax" onunla yollarını ayırdı
"Sabah" millinin üzvü ilə müqaviləni uzatdı
"Qarabağ" DÇ-2026-ya yollanacaq futbolçunu transfer edir
"Bayer"də baş məşqçi dəyişikliyi - Rəsmi
“Ayın qolu” layihəsində qaliblər açıqlandı
"Qəbələ" də kapitanla vidalaşdı
Yankoviç "Qarabağ"da qalır? - Özü açıqladı
“Şəfa” Avropa Futbol Klubları təşkilatına üzv oldu
"Sabah" kapitanla yolları ayırdı
Marko Rouz Premyer Liqa klubunda - Rəsmi
"Fulhem"də baş məşqçi ayrılığı
Azərbaycandan ayrılıb İsrail klubuna keçdi
"Şamaxı"dan gedənlərin sayı 15 oldu
"Çelsi"nin əfsanəsi vəfat etdi
“Trabzonspor” futbolçusunu AEK-ə satdı
Azərbaycan millisini finala aparan qələbə - Video
Mourinyo həmin videonu süni intellekt adlandırdı
"Liverpul" yeni baş məşqçi ilə müqavilə bağlayıb
Addaidən “Qarabağ” paylaşımı
Niderland öz meydanında Əlcəzairə uduzdu
İtaliya millisindən çətin qələbə
“Çempion olmaq istəyirik” - Elşad Quliyev
Azərbaycan millisi finalda - Avropa çempionatı
Minifutbol üzrə Avropa çempionatında ilk finalçı bilindi
"PSJ-yə uyğunlaşmaq çox çətindir"
Yamal zirvədə, Arda Güler 2-ci yerdə
Mourinyonun "qara" siyahısına düşdülər
UEFA klubların yeni reytinqini açıqladı
Bölgə klubunda yeni təyinat
DÇ-2026: Türkiyə millisinin oyun təqvimi
İran yığması DÇ-2026 üçün viza aldı
La Liqanın ən yaxşı baş məşqçisi bəlli oldu
