"Qarabağ" "Olimpiya"nı keçərsə... - Qrupda kimlər var? 

"Qarabağ" "Olimpiya"nı keçərsə... - Qrupda kimlər var? 
AVROKUBOKLAR 30 Avqust 2023 / 11:53 32204
-  A +

Avqustun 31-də "Qarabağ" Avropa Liqasının pley-off mərhələsində cavab görüşünə çıxacaq.

Qol.az xəbər verir ki, Ağdam təmsilçisi son Sloveniya çempionu "Olimpiya"nı qəbul edəcək. Tofiq Bəhramov adına Respublika Stadionunda keçiriləcək oyun saat 20:00-da başlanacaq. Qurban Qurbanovun komandası ilk görüşdə 2:0 hesablı qələbə qazandığından onların qrupa düşmək şansı yüksək qiymətləndirilir. Komanda uğursuzluğa məruz qalacağı halda isə Konfrans Liqasının qrupunda yarışmalı olacaq.

Bəs, "Qarabağ" Avropa Liqasının qrupuna düşərsə, orada kimlərlə qarşılaşa bilər?

Qeyd edək ki, yarışda 32 komanda mübarizə aparacaq. Hər birində 4 iştirakçı olmaqla 8 qrup təşkil ediləcək. Qrupun qalibi 1/8 finala birbaşa vəsiqə qazanacaq, 2-ci yeri tutan həmin mərhələdə oynamaq üçün Çempionlar Liqasının 3-cüsü ilə yarışacaq. Avropa Liqasının 3-cüsü isə avrokubokda mübarizəni Konfrans Liqasının pley-off mərhələsindən (1/16 final) davam etdirəcək.

32 klubdan 12-si qrup mərhələsinə birbaşa vəsiqə qazanıb. Digər 20 iştirakçı AL-in ilkin pley-off mərhələsinin qalibi və Çempionlar Liqasının pley-off mərhələsinin məğlubu olacaq.

Artıq Avropa Liqasının qrupunda yarışacaq 19 komandanın adı qətiləşib. Onların sırasında İngiltərənin "Liverpul" klubu da var. Son 13 iştirakçı ÇL-in bugünkü, AL-in isə sabahkı pley-off mərhələsindən sonra müəyyənləşək. 

Hazırda qrup mərhələsində oynamaq hüququ olan 19 komanda bunlardır:

Avstriya: "Şturm" 

İngiltərə: "Brayton", "Liverpul", "Vest Hem" 

İspaniya: "Betis", "Vilyarreal"

Fransa: "Olimpik", "Renn", "Tuluza"

İtaliya: "Atalanta", "Roma"

Almaniya: "Frayburq", "Bayer"

Yunanıstan: "Panatinaikos"

İsrail: "Makkabi" Hayfa

Norveç: "Molde"

Portuqaliya: "Sportinq"

Serbiya: "Baçka-Topola"

İsveçrə: "Servett" 

Qrup mərhələsinin püşkatma mərasimi sentyabrın 1-də Monakoda keçiriləcək. 

Daha çox


Son xəbərlər
13.04.24  01:00

"Latsio"dan qələbə

13.04.24  00:28

"Trabzonspor" uduzdu