Millimiz komanda hesabında Avropa ikincisi oldu

Millimiz komanda hesabında Avropa ikincisi oldu
GÜLƏŞ 19 İyun 2023 / 00:10 1021
-  A +

Albaniyanın paytaxtı Tiranada güləş üzrə U-17 Avropa çempionatına yekun vurulub.

Qol.az xəbər verir ki ,sərbəst güləş üzrə millimizin 10 üzvündən 7-si fəxri kürsüyə qalxıb. 4 qızıl və 3 bürünc medal əldə edən yığmamız medalların əyarına görə, bütün ölkələri qabaqlayıb. Müqayisə üçün qeyd edək ki, ən yaxın izləyicimiz olan Gürcüstan 2 qızıl, 1 gümüş və 4 bürünc medal qazanıb.

Millimiz xal sistemi üzrə sıralamada isə 155 xalla ikinci yeri tutub.

Xatırladaq ki, komandamızın heyətində Cəfər Cəfərov (45 kq), Hacı Kərimov (55 kq), Camal Abbasov (60 kq) və Yusif Dursunov (110 kq) Avropa çempionu olub. Seyhun Əlizadə (51 kq), Mirzəağa Axundov (65 kq) və İsmayıl Rəhimli (71 kq) isə üçüncü yeri tutub.
 

Daha çox


Son xəbərlər