Medianın İnkişafı Agentliyinin layihəsi
Azərbaycanın bölgələrində insanların futbola maraq göstərməsi hər zaman aktual bir mövzu olub. Birinci divizion təmsilçisi "İmişli"nin ev oyunlarını İmişli şəhər stadionunda keçirməsinə icazə verildikdən sonra bu mövzu yenidən gündəmə gəldi.
"İmişli"nin doğma meydandakı 3 ev oyunu ümumilikdə 11 min 300 tamaşaçı izləyib. Premyer Liqanın əksər matçlarının Bakıda - milyonlarla insanın yaşadığı paytaxtda keçirildiyi halda arenalara 2-3 mindən çox azarkeş toplanmadığını düşünəndə "İmişli"nin bu qədər fanat ordusunu bölgədə bir araya gətirməsinə heyrətlənməmək mümkün deyil. Bəs niyə bölgələrimizdə futbola yalnız azarkeşlər maraq göstərir. Nə üçün futbol üçün bu cür alışıb-yanan azarkeşlər varkən heç kim orada bu idman növünü inkişaf etdirməyə səy göstərmir? Niyə Premyer Liqamızda mübarizə aparan 10 komandadan cəmi 5-i bölgələrimizi təmsil edir? Hələ nəzərə alaq ki, "Qarabağ" da məlum səbəblərdən paytaxtda məskunlaşıb.
Məsələyə münasibət bildirməsi üçün AFFA-nın Məşqçilər Komitəsinin üzvü, Əməkdar məşqçi Ağasəlim Mircavadovla əlaqə saxladıq.
Təcrübəli mütəxəssis Azərbaycanın bölgələrində əzəldən futbola maraq olduğunu bildirdi: "SSRİ dönəmmindən bəri mən bu haqda danışıram. Mən özüm də "Neftçi"nin heyətində bölgələrə gedirdim, yoldaşlıq oyunlarında iştirak edirdim. Böyük anşlaq olurdu. O vaxt Azərbaycan birinciliyi var idi. Amma o vaxt heç stadionlar da yaxşı vəziyyətdə deyildi. Mən ömrümün böyük hissəsini bölgələrdə keçirmişəm. Şəmkirdə 5, Lənkəranda 3 il işləmişəm. Bilirsiniz, bölgələrdə futbolu həddindən artıq sevirlər. Hətta elə günlər var idi ki, mən Lənkəranda səhər məşq keçirəndə stadiona 2-3 min adam gəlirdi. Məşqimiz ehtiyat meydançada olurdu. Amma mən əsas meydançada məşq keçirirdim ki, azarkeşlər rahat əyləşsinlər, izləsinlər. Bəzi tanışlar da var idi. Onlara deyirdim ki, işinizə gedin də. axşam gələrsiniz, oyuna baxarsınız. Mənə deyirdilər ki, elə işimiz budur, biz futbolla nəfəs alırıq. Yəni, bu sözdə doğrudan da böyük həqiqət var idi. "Xəzər Lənkəran"ın keçmiş oyunlarına baxsanız, hər şeyi görəcəksiniz. Stadionun 14 min 500 nəfərlik azarkeş tutumu var idi. Bütün tribunalar dolurdu. Bölgələrimizdə futbola maraq həmişə olub".
Ağasəlim Mircavadov
A.Mircavadov bölgələrdə futbolu inkişaf etdirmək üçün AFFA Məşqçilər Komitəsinin Region Liqasının yaradılması üçün təşəbbüs göstərdiyini də deyib: "Biz Məşqçilər Komitəsi olaraq bölgələrlə bağlı çox böyük layihələr vermişik. Məsələn, Region Liqasının yaradılması ideyasını biz vermişik. Özümüz də gedib oyunlara baxmışıq. Stadionlar dolur".
Mircavadov qeyd edib ki, regionlarımızda rayonların icra başçıları futbola xüsusi diqqət göstərməlidir: "Bir dənə əsas məsələ var ki, bölgələrimizdə stadionların meydanları o qədər də yaxşı vəziyyətdə deyil. İcra başçısı futbolla maraqlanmalıdır, komandalara dəstək olmalıdır. Şamaxı şəhərinin icra başçısı oyunlara gəlir. Əsas amillərdən biri də budur. Klubların stadionları təmir etməyə gücü, büdcəsi çatmır. “Kəpəz"in stadionu görün nə vəziyyətdədir. Mən o stadionda vaxtilə çox oyun keçirmişəm. Oraya 25 min insan yığılırdı. Bakıdakı oyunlara 25 min nəfər azarkeş gəlir? Xeyr. Stadionların tikilməsi tək AFFA-nın işi deyil. Bölgələrdə futbolun inkişaf etməsi, komandaların Premyer Liqada oynaması üçün sponsor lazımdır. Mingəçevir Azərbaycanın ən gözəl, təmiz şəhərlərindən biridir. Amma hal-hazırda orada futbola diqqət yoxdur. Vaxtilə orada çox sayda futbolçu yetişirdi".
A.Mircavadovun sözlərinə görə, bölgələrdə futbolun inkişaf etməsi üçün dövlət proqramı hazırlanmalıdır: "Hər şeyi kompleks şəkildə etməliyik. Ümumilikdə dövlət proqramı lazımdır. Bu, futbol klubunun işi deyil. AFFA isə kömək edə bilər. Şamaxıda stadionun tikilməsi üçün AFFA 1 manat da vermədi. UEFA-nın bir komissiyası var, onlara müraciət olunmuşdu. Həmin komissiya maliyyə ayırdı, Şamaxıda stadion tikildi. İndi görürsünüz ki, "Şamaxı" öz oyununu orada keçirir, həmişə də azarkeşlər gəlir. Əgər futbolumuzun inkişaf etməyini istəyiriksə, bölgələrə diqqət ayırmalıyıq. Söz deməməliyik, iş görməliyik. Əgər sadəcə sözlə nəsə etsək, heç nə, o iş düzəlməyəcək. İş görmək lazımdır. Məncə, əvvəlcə icra başçısı idmana, futbola böyük diqqət ayırmalıdır. Bu olsa, çox iş görmək olar. Sponsor da tapılar. Bir də ki, stadionu qorumaq lazımdır. Bu da klubun işidir. Çünki stadion klubun nəzdindədir. Meydan sulanmalıdır, diqqət yetirilməlidir. Bu qayda belədir".
Nur Zeynalova
Yazı Azərbaycan Respublikasının Medianın İnkişafı Agentliyinin maliyyə dəstəyi ilə çap olunub.
Messidən MLS rekordu
"Neftçi"yə qarşı hamı istəkli oynayır" - Qurban Qurbanov
"Real" 36-cı dəfə İspaniya çempionu oldu
"Qarabağ" Bəhlulla yeni müqavilə imzaladı
"Qarabağ"ın 5 cavabsız qolu - Video
"Qarabağ" "Neftçi"ni darmadağın etdi, "Sumqayıt"dan heç-heçə
"Real"dan böyük hesablı qələbə
Samir Abasov: "Futbolçularım ağır görünürdü"
2 qol, 2 qırmızı vərəqə - Video
Şahruddin 90 dəqiqə oynadı, komandası qalib gəldi
"Qarabağ" - "Neftçi": Heyətlər
"Arsenal"dan qələbə
Azərbaycanın U-17 millisi Qazaxıstana uduzdu
"Kəpəz" - "Sumqayıt": Heyətlər
Tiaqo Silva bu kluba keçir
Maradonanın cənazəsini köçürmək istəyirlər
Xüsusi təyinatlılar futbolçulara və azarkeşlərə atəş açdı
"Bayer"in 6 futbolçusu mövsümün rəmzi komandasında
Messi "İnter Mayami"nin büdcəsini ikiqat artırıb
Kvaratsxeliya qərarını verdi: Gedir, ya qalır?
Arda Güler: "Modriç və Kroosu adları ilə çağırmıram"
Slotdan "Liverpul" açıqlaması
Renatın klubunda yeni baş məşqçi və idman direktoru
Ozan Can sarı vərəqə aldı, komandası uduzdu
"Beşiktaş" 5 qollu oyunda belə qələbə qazandı - Video
İsko ayın oyunçusu seçildi
"Beşiktaş" 90+7-ci dəqiqə qolu ilə qələbə qazandı
Mərakeşli hücumçu 1-ci oldu
"Araz-Naxçıvan"da iki futbolçu məşqləri bərpa etdi
UEFA Avro-2024-lə bağlı yeni qərarı rəsmən açıqladı
İngiltərədə bu mövsümün ən yaxşı oyunçusu müəyyənləşdi
"Bu, cinayətdir" - Klopp
Avroliqada həftənin ən yaxşı futbolçusu seçildi
"Mançester Yunayted"in Ten Haq qərarı
ÇL-də həftənin ən yaxşı oyunçusu odur
Misli Premyer Liqasında 33-cü turun hakimləri bilindi