Alveş başqa həbsxanaya köçürüldü

Alveş başqa həbsxanaya köçürüldü
DÜNYA FUTBOLU 23 Yanvar 2023 / 19:24 5001
-  A +

Cinsi təzavüzdə ittiham olunan "Barselona"nın və Braziliya millisinin sabiq müdafiəçisi Dani Alveş başqa həbsxanaya köçürülüb.

Qol.az "Mundo Deportivo"ya istinadən xəbər verir ki, o, əvvəlcə Brians 1 müəssisəsinə yerləşdirilib, bu gün isə Brians 2-yə aparılıb. Bildirilir ki, hakimiyyət orqanlarının belə bir qərarı futbolçuya qarşı müsbət münasibət kimi şərh edilə bilər. Çünki onun yeni saxlanma yerində duşla təchiz olunmuş fərdi kameralar var.

Ədliyyə Departamenti bu tədbirlərin "şübhəlinin təhlükəsizliyini və yaşayış modulunda dinc  yaşamasını" təmin etmək üçün həyata keçirildiyini açıqlayıb.

Qeyd edək ki, 39 yaşlı müdafiəçi bir neçə gün əvvəl zaminə buraxılmadan müvəqqəti həbs cəzasına məhkum edilib. İspaniya qanunlarına görə günahı sübuta yetirilərsə, Dani Alveşə 4 ildən 12 ilə qədər həbs cəzası verilə bilər.

Xatırladaq ki, baş verənlərə görə Meksikanın “Pumas” klubu Alveşlə müqaviləyə xitam verib.

Yeniliklərdən daha tez xəbər tutmaq üçün bizi Teleqramda da izləyin...

Daha çox


Son xəbərlər
08.02.23  22:13

"Traktor"dan qələbə