Skolani: "Messi nəticəni müəyyənləşdirdi"

Skolani: "Messi nəticəni müəyyənləşdirdi"
DÇ-2022 27 Noyabr 2022 / 11:27 1773
-  A +

“Çətin olacağını bilirdik, Meksika həmişəki kimi oynamadı. Onların beş müdafiəçi ilə oyuna çıxacaqlarından şübhələnirdik".

Qol.az xəbər verir ki, bu sözləri Argentina millisinin baş məşqçisi Lionel Skaloni DÇ-2022-nin qrup mərhələsinin 2-ci turunda Meksikaya 2:0 hesabı ilə qalib gəldikləri oyundan sonra deyib.

"İlk hissə nə bizə, nə də rəqibə uğursuz oldu. Fasilədə dəyişikliklər etdik və daha yaxşı oynamağa başladıq. Onda özünüz də gördünüz ki, nə baş verdi. Matçın nəticəsini Messi müəyyənləşdirdi. Messi bütün komandanın onun arxasında olduğunu bilir. Biz uzun illərdir ki, dünyanın ən yaxşı oyunçusuna malik olduğumuzu bilirik. Düşünürəm ki, hətta meksikalı azarkeşlər də qol vurmasına baxmayaraq, Messinin oyunundan zövq aldılar.

 İkinci hissədə birinciyə nisbətən daha aqressiv oynadıq. Amma 5 müdafiəçisi və 4 yarımmüdafiəçisi olan komandaya qarşı oynamaq çətindir" - deyə o bildirib.

Mütəxəssis  qrup mərhələsində qarşıda daha bir matçılarının qaldığını xatırladıb: "Həmin oyuna başımız dik və təvazökarlıqla yanaşmalıyıq. Biz bu yolu davam etdirməliyik. Bu oyunçuların oyununu izləmək əladır".

Qeyd edək ki, Argentina DÇ-2022-də qrup mərhələsinin son turunda noyabrın 30-u Polşa ilə qarşılaşacaq. Hazırda C qrupunda Polşa 4 xalla 1-ci, Argentina 3 xalla 2-ci, Səudiyyə Ərəbistanı 3 xalla 3-cü, Meksika 1 xalla sonuncudur.

Xatırladaq ki, Messi Meksika ilə görüşdə  1 qol vurub, 1 qolun ötürməsini verib.
 

Daha çox


Son xəbərlər
04.02.23  20:27

Salah 200-ə çatdı

04.02.23  19:23

"Beşiktaş" uduzdu