“Yeganə təhlükə “Qarabağ”ın müdafiəçilərinin zədəli olmasıdır”

“Yeganə təhlükə “Qarabağ”ın müdafiəçilərinin zədəli olmasıdır”
ÖLKƏ FUTBOLU 15 Sentyabr 2022 / 12:04 2531
-  A +

“Bizi gərgin, yaxşı oyun gözləyir. Çünki istənilən halda bu qrupda keçirilən bütün matçlarda şanslar 50-50-yədir”. 

Bu sözləri Qol.az saytına açıqlamasında futbol mütəxəssisi Aslan Kərimov deyib. O, “Qarabağ”ın Avropa Liqasının qrup mərhələsinin 2-ci turunda bu gün “Nant”la evdə oynayacağı görüş haqqında fikirlərini bölüşüb. A.Kərimov bildirib ki, Ağdam təmsilçisinin Fransa klubu ilə matçda xal və ya xallar qazanacağına inanır:

“Qarabağ” 1-ci turda “Frayburq”la görüşün ilk hissəsində o qədər də yaxşı oynamamışdı. Amma ümumilikdə gördük ki, “Qarabağ” qrupun lideri ilə belə mübarizə apara bilər, hətta qalib gələ də bilər. “Qarabağ” “Nant”la matçı evdə keçirir, azarkeşlərin dəstəyi olacaq. Bu, bizim üçün üstünlükdür. Məsələnin texniki tərəfinə baxsaq, “Nant” tez-tez sistem dəyişikliyi edir. Bəzən 5-li, bəzən də 4-lü müdafiə ilə oynayırlar. Məsələn, Liqa 1-də liderlərə qarşı, PSJ ilə matçlarda 5-li müdafiə ilə çıxış edirlər. Bakıda hansı üslubu seçəcəkləri mənim üçün sualdır. Əgər 5-li müdafiə ilə oynasalar, arxaya otursalar, bizim üçün onların müdafiəsini yarmaq çətin olacaq. Amma açıq futbol oynasalar, “Qarabağ”ın qələbə qazanmaq, xal almaq şansı var. Çünki hücumameyilli futbolçularımız “Nant”ın müdafiəsini yara bilmək iqtidarındadırlar. Yeganə təhlükəli məsələ “Qarabağ”ın əsas müdafiəçilərinin əksəriyyətinin zədəli olmasıdır. Səhv etmirəmsə, “Qarabağ”ın 4 futbolçusu zədəyə görə bu matçda iştirak edə bilməyəcək. Bu, bizim üçün mənfidir. Amma ümumilikdə mən bu gün “Qarabağ”ın xal və ya xallar qazanacağına inanıram”

Qeyd edək ki, Tofiq Bəhramov adına Respublika Stadionunda keçiriləcək “Qarabağ” - “Nant” matçı saat 20:45-də başlayacaq.

Nur Zeynalova

Daha çox


Son xəbərlər
28.02.26  16:19

"Neftçi"də itki

topaz banner