"Türkiyə asan rəqib deyil"

"Türkiyə asan rəqib deyil"
DÇ-2022 24 Mart 2022 / 11:32 1331
-  A +

Portuqaliya millisinin hücumçusu Dioqo Jota DÇ-2022-yə vəsiqə uğrunda Türkiyə ilə keçiriləcək pley-offunun yarımfinal oyununu şərh edib.

Qol.az UEFA-nın saytına istinadən xəbər verir ki, o, Türkiyənin asan rəqib olmadığını deyib: "Amma qalib gəlmək üçün bizə lazım olan hər şey var. Portuqaliya fürsətlərdən yararlanmaq istəyirsə, effektiv hərəkət etməlidir. Dünya çempionatına vəsiqə qazanmaq üçün yaxşı komanda ruhunu qorumalıyıq. Qol vurmaq vacibdir, amma rəqibə də  şans verməməliyik.

Biz bu oyuna məsuliyyət hissi ilə yanaşmalıyıq. Qalib gələ bilərik və finala çıxmaq üçün keyfiyyətlərə malikik. Bütün diqqətimizi dünya çempionatına getməyə yönəltmişik”.

Qeyd edək ki, bu gün keçiriləcək Portuqaliya - Türkiyə oyunu Bakı vaxtı ilə saat 23:45-də başlayacaq.

Daha çox


Son xəbərlər