Asmir Beqoviçin möhtəşəm geri dönüşü

Asmir Beqoviçin möhtəşəm geri dönüşü
DÜNYA FUTBOLU 17 May 2021 / 10:48 3875
-  A +

Bosniyalı qapıçı Asmir Beqoviç 2020/21 mövsümünün yekununa əsasən “Borntmunt”un ən yaxşı futbolçusu seçilib.

Qol.az-ın xəbərinə görə, “Daily Echo-Micky Cave” nəşrinin sorğusunda 33 yaşlı futbolçu hamıdan çox - 44 faiz səs toplayıb. Bununla da o, ikinci yeri tutan hollandiyalı yarımmüdafiəçi Arnaut Danjumanı (33 faiz) və ingilis müdafiəçi Kemeron Karter-Vikersi (7 faiz) qabaqlayıb.

Beqoviç bu mövsüm Çempionşipdə mübarizə aparan “Borntmunt”un əsas qapıçısı kimi 45 oyunda meydana çıxıb və 44 qol buraxıb. 15 matçda isə o, qapısını toxunulmaz saxlayıb. Bu, onun son illərdəki ən uğurlu çıxışlarından hesab olunur.

“Borntmunt” Çempionşipi 6-cı yerdə tamamladığından yenidən Premyer Liqada oynamaq şansı qazanıb.  Bunun üçün komanda pley-offda yarışacaq.

Xatırladaq ki, Asmir Beqoviç 2019/20 mövsümünün yarısını “Qarabağ”da keçirib. Sonra icarə qaydasında “Milan”da oynayıb. 2020-ci ilin avqustun 31-də isə müqavilə ilə məxsus olduğu “Borntmunt”a qayıdıb.

 

Daha çox


Son xəbərlər
16.06.21  19:42

1 qol, 3 xal - Video

16.06.21  18:58

Fiqu Bakıda